سؤال وجواب

يا ليل طوّل ساعاتك مكتوبة

الشاعر السيد سعيد الصافي الرميثي

يا ليل طوّل ساعاتك

يا ليل طوّل ساعاتك…يا ليل أحمل آهاتك
لو ودّعت الوليان…تتولاني العدوان

طول ياليل الوداع اشما تطول اوياك أساهر
ما أمل من البواجي حتى لو تعمه النواضر
احسين بس هاليلة يمي ما تشوفه اعيوني باجر
صدقني يا ليل القهر…يا ريتك اطّول دهر
خايفة من أشباح القدر…و أخاف أضل مكسوره خاطر
ياليل إرحم دلالي…ياليل ضاعت آمالي
آ يا دهري الخوان…تتولاني العدوان

آنه ياليل العقيله زينب المعروف خدري
طولي ماواحد الشافه اولاستر يوصل الستري
لجن ياليل اشبدية سلمت للقدر أمري
دمعاتي يبسن بالجفن…من يطر مصباح الحزن
بطفال وبعيله أمتحن…والله ماينحمل صبري
ياليل كافي اتروعني…ياليل صبحك يفجعني
لونزلوا للميدان تتولاني العدوان

والله خنقتني العبرة اشلون اوصف هالمسية
مثل سرب القطا طلعت للوداع الفاطمية
ريتك اتشاهد بناتك علي ياحامي الحمية
يندبهن احسين اسمعن…كلهم فرد فزعه افزعن
ويه الولي يتوادعن…هاي روحه ابلايه جية
نسوان ياهو اليحميهن…لوراح عنهن واليهن
يقبل داحي البيبان…تتولاني العدوان

كلمن اتعنت وليها تهل دمع الحزن يمه
وسكنه لحسين ابو اليمه راحت بلهفه تشمه
او ليله للأكبر ولدها هوت فوقه تصيح يُمه
او رمله وي جاسم جاعده…تظفر اجعوده اتناشده
ارحم دليل الوالده…وللصدر قامت تضمه
جاوين يوليدي الشمعه…جسام شو صارت دمعه
فقدك مو بالحسبان…تتولاني العدوان

آه ياحال الرباب الحنّت النوق البجيها
تعاين العبد الله طير الجنة نايم فوق اديها
يفز لو رادت ترضعه من يروح يدر ثديها
متهني ابنها ابنومته…خافت يفز لو رضعته
قامت تصد الرقبته…طاحت وفقدت وعيها
جاليش يبني يذبحونك…سباح قلبي ايقطعونك
جي قلت الهم عطشان…تتولاني العدوان

زينب العباس اخوها اتعنت اوقامت تنشده
خوية بيَّ اشلون باجر قلبي ياراعي الموده
ياكفيل الضعن ضعني للوطن ياهو اليرده
عباس انت اللي قلت…وياي قومي وأّمنت
يا الاخو وبيه اتكفلت…اشلون اوكع ابشده
عباس دقعد حاجيني…عباس وين تخليني
أختك ياعالي الشان…تتولاني العدوان

السابق
يازمن وين الاحباب مكتوبة .. قصائد باسم الكربلائي
التالي
اعمال ليلة العاشر من محرم مفاتيح الجنان

اترك تعليقاً