سؤال وجواب

من قطع اوصالك بسيفه مكتوبة .. لطميات عاشوراء 2021

يعتبر باسم الكربلائي مغني وملحن اسلامي شيعي من مواليد مدينة كربلاء في العراق مواليده 1966 وعاش طفولته في العراق ومتزوج الان ولديه اربعة ابناء من بينهم علي باسم الكربلائي ، يعتبر باسم الكربلائي من الموهوبين الذين يجيدون تلحين لطميات وقصائد مميزة في المناسبات الشيعية ومن أهم القصائد التي نالت اعجاب الجمهور ( من قطع اوصالك بسيفه  ) والتي نرصدها لكم مكتوبة بخط واضح .

المحتويات


من قطع اوصالك بسيفه

مـن قـطـع اوصـالـك بسيفه يا علي يبني…بعدك على الدنيا العفه فرقاك شيبني
أكــبــر يــنــور الــعــيــن …يــمــعــفـر الـخـديـن

يـولـيـدي قلي يا جرح يآذيك حاجيني …انت العمر وانت الصبر وانت نظر عيني
تـالـيـهـا يـبـنـي يا علي تمشي وتخليني…راح الصبر بعد الولد وينه اليواسيني
دم ودمــع بـيـدي…جــاوبـنـي يـولـيـدي

يـا شـمـعة سنين العمر يكوكب أحلامي…رايح يضي عيني وأظل بالحسرة و الامي
مطروح اشوفك يا حلم فوق الارض دامي …يالغالي وادري بالدمع ما يرتوي الضامي
ويــاك اخـذ روحـي …يـا بـلـسـم جــروحـي

مـنـتـظـرة لـيلى بالخيم تتأملك ترجع …ما تدري بسيوف العدى يمهجتي مقطع
لـو وحـدي أرجـع للخيم من الخيم تطلع …تعرف جوابي يا علي لو شافت المدمع
يـالـعـتـرب مـطـروح …ويــاك اخـذهــا الــروح

عـذبـنـي يـومـك يـا عـلـي والراس شيبته…ناديتك اقعد يالولد النوم طولته
جَـرحـك سكن وسط القلب واكبر جرح انته…سور وبنيتك بالدمع و اعليه هدمته
زيــنــب شــجــاوبــهــا …كــثــرت مــصـايـبـهـا

زيـنـب إذا سـمـعـت علي راح شيصبرها …محتار أنا بزينب أظل وشلون اخبرها
مـهـضـومة زينب يا علي فرقاك يكسرها…أُم اليروح الها ولدها من تبجي نعذرها
مــا تــطــفــه جــمــرتــهــا …مــعــروفـة ونـتـهـا

يـالـفارقتني بغربتي وياك إخذ عمري …يوليدي وي دم هامتك فاض ونزف صبري
نار الحزن صارت تشب من صدرك وصدري …يا بويه أغله من الهوا ومن النفس تدري
يــالــغــيــرك شــعــنــدي …جــرحـك مُـرد جـبـدي

                     
السابق
اعمال ليلة العاشر من محرم مفاتيح الجنان
التالي
لماذا نصوم عاشوراء

اترك تعليقاً