المحتويات
قصائد مكتوبة مدح الإمام المهدي
في رحاب اهل البيت عليهم السلام
ندبة للامام المهدي عليه السلام
…..
ننتظرك يبو صالح يوالينه
يمته سيدي تتعطف اعلينه
…..
ننتظرك ونهمل دمعة الفركه
وافركك يلوع الكلب ويحركه
مشتاكين يمته ساعة الملكه
مشتاقين ننتظرك يمهدينه
…..
مشتاقين يبن المصطفه الهادي
ما عدنه صبر ولشخصك انادي
اظهر يبو صالح وانظر اشسادي
السقيفه سيدي لليوم تاذينه
….
من يوم السقيفه والظلم جاثم
على صدر الاسلام وانته بيه عالم
دمع امك الزهره عل الزمن ساجم
واحنه من الظلم مولاي ضجينه
…..
مته تظهر تسر اگلوب احبابك
مته تنگضي اوتخلص محنة اغيابك
يا ساعه يمهدي ينفتح بابك
باب الفرج انته اوالك حنينه
…….
الك مولاي منتظرين طلعتكم
واحنه يبن حيدر كلنه شيعتكم
يامولانه كلنه انشيل رايتكم
تدري ابغيبتك احنه اشعانينه
…..
انشوف الدين من بعد النبي المختار
اصبح لعبه بيد الكفر والاشرار
كسرو ضلع فاطم نحو الكرار
اوحيدر لوعوه اوحسن وحسينه
…………
الحسن سموه اوبالسم كطعو چبده
وابو اليمه اذبحوه اومارعوا جده
اوبنات النبي وحده اتلوذ في وحده
كل الي جره مثله جره اعلينه
ندبة للامام المهدي
ياظلع الزهرة == وحسين ونحرة == اهات الطبرة
ياراعي الثار== ياراعي الثار
علة العترة المصايب جنة مرصودة
من عهد الرسول الحا لة موجودة
من اهل السقيفة الغلة مولودة
اولليوم انعيشة السفرة ممدودة
تفخيخ اوارهاب == ذبح ابلا اسباب ==يابن داحي الباب
ياراعي الثار === ياراعي الثار
علة الزهرة اوظلعة اوظربت البسمار
لان نادت ابن عمي علي الكرار
عليهة صبو البركان غظب من نار
اورادوهة ابحرك كلب النبي المختار
ياوسفة علة الراح == محسن منة الطاح == صوتة اعليك اصاح
ياراعي الثار === ياراعي الثار
علة الزهرة انوحا واسجب العبرة
ابكلب ملجوم يويلي نذكر الطبرة
اوعلة المذبوح اومنة منكطع نحرة
جم امصاب عليهة مرت العترة
جم مرقد هدمو ==جم شيعي الذبحو ==اياصوت انادو
ياراعي الثار ====== ياراعي الثار
ابو الحسنين ظلت صحبتة الايتام
يتامة اتيتمو من ظربت الظلام
ابن ملجم طبرهة هامت الاسلام
يظل كبرة مزار اشماتمر اعوام
وايتامة ابابة == تصرخ يايابة ==مظلم محرابة
ياراعي الثار ==== ياراعي الثار
ابو السجاد مصابة مايمر بانسان
ثلث تيام ذبيح اوظامي عل تربان
وبجنبة الفرات امروي كل عطشان
فدة روحة اوعيالة النصرت الللقران
لوتنظر نحرة == ولداست صدرة == وخيامة اموجرة
ياراعي الثار ==== ياراعي الثار
اوياثارات عبداللة الطفل مذبوح
بوسط جفين ابو السجاد دمة ايفوح
ابكلب ملجوم ليلة شافتة وتنوح
طفل وشلون من امة يامةدي ايروح
وتعاين مهدة == فارغ وتهزلة == ابدا موسهلة
ياراعي الثار ====ياراعي الثار
———————————————————
اوعن عباس يامهدي ابساحة اطفوفة
نحر مكطوع راية ابصفهن اجفوفة
لفت زينب علية ابدمعة مذروفة
عمت عيني تصيح اولاني لااشوفة
يانور العنين == ابسهم الصاب العين ==واندارت لحسين
ياراعي الثار ===== ياراعي الثار
ندبة للامام المهدي
بقلم #غازي_الساعدي
بس روايات وقصص اسمع عليك
وزاد شوكي يـــالــخـــذت دلالي
گالوا اصبر والصبر بيه الفلاح
وانه غـــيــرك أبـــد مــا يحلالي
عقلي هام أتملكت كل الشعور
شـمـا حجوا عنك أبد ما بالـي
صدك محبوبك يغيب وما يجي
شــلـون بــيــه وعــلـقت أمالي
أنته منقذ أنته مــالـك للزمــان
وانته اعـلـم ســيــدي بأحوالي
الدنيا ضاكت ننتظر يوم الظهور
اطــلــع وبــيــن عـِلـي يالغالي .
فزاعيات الامام العباس عليه السلام
فزاعيه للعباس. ع
هاي جفوف ابو فاضل
بالله وين راعيهن
➖➖➖➖➖➖
وكعن عالنهر ياحيف
هنه والدرع والسيف
ياحيد وسبع ومخيف
وسفه شلون ينطيهن
➖➖➖➖➖➖
مات معدل الميله
المايقبل عله العيله
وبد مينام كل ليله
باله منشغل بيهن
➖➖➖➖➖➖
حامي العيله والايتام
شجاع وبالحرب ضرغام
حارس عالحرم وخيام
ومات اليوم واليهن
➖➖➖➖➖➖
كمر هاشم يعرفونه
هوه الضحه بعيونه
وعدوانه يهابونه
خواته شلون ينساهن
➖➖➖➖➖➖
كافل زينب الحره
ابصدره الف حسره
زينب تظل منتظره
يايمته يعود اعليهن
➖➖➖➖➖➖
✏ بقلم خادمة اهل البيت ✏
✏ *هيلين*الساعدي✏
فزاعيه للعباس”
……………………………………….
شدت راية العباس…..والكون ارتعد كله
………………………………………………………..
زينب وكفت اتنادي
اتكله بداعت الهادي
منك اطلب مرادي
سيفك بالغظب سله.
………………………………………………………..
كلهه ونطت اعيونه
والموت اليسمونه
هينه ويمي مظمونه
وزينب ردت اتكله.
………………………………………………………..
لاترحم بعد بيهم
اخبط خويه صافيهم
موت بسيفك ارويهم
بحسره المدمع اتهله.
………………………………………………………..
شاف الدمعه من طاحت
بعينه وللكلب لاحت
الغيره البلكمر فاحت
براسه ولا مست ظله.
………. ………………………………………….
هد وربك العالم
وحده شصار بالوادم
بيهم ما بقه سالم
بخزره العسكر ايشله.
………………… …………………………………….
هرول بالحرب مغوار
كلهم كالو الكرار
اشتتوقع اكلك صار
والكعبه السبع ذله.
………………………………………………………..
ملك الموت اخذ راحه
والجيش اعتله اصياحه
ابكيفه ايزهك ارواحه
جم صدعه بكلب خله.
………………………………………………………..
مالك حشم الحراس
ميلحك جثيره الناس
ريض فدوه يا العباس
صاح وعل نبي صله.
………………………………………………………..
طب المشرعه بجوده
وشك حلك النهر زوده
بجتفه الرايه مشدوده
شاله وحلكه ما بله.
………………………………………….
فاضل الغريباوي
__
فزاعيه للعباس”ع”
~~~~~~~~~~~~~~~~~~
ذب اعمامته العباس..من زينب بجت يمه
~~~~~~~~~~~
يابـت عـلي نادهــه..وحق سيد الرسل طه
خيمج ياهو يدناهه..اغـظب واحـترك دمه
~~~~~~~~~~~
دخـن ورتـعد عباس..هاج الزود والنوماس
زينب خايفه من الناس..وانتي بشاربي ذمه
~~~~~~~~~~~~
هاج وصال مثل السيل..خله الخيل تردم خيل
راواهم بسيفـه الويل..بيـه الزود والـهـمـه
~~~~~~~~~~~~
شال السيف بـيمينه..وجدحت بالغظب عينه
وينه اليوصلج ويـنه…وانه للهـوه اشـتمـه
~~~~~~~~~~~
كـالت والنعـم ادري..خيمه انته وستر خدري
لاكـن يا كـمر تدري..عـندي اطفال ملتمـه
~~~~~~~~~~~~
خويه من العطش يبجون..غٌرفـِّه من العذب يردون
كـال الـهـه عـليـه تــهـون..جوده اعله الصدر ظمه
~~~~~~~~~~~~~~
رد وفـرت الـعسكـر…خله الجيش يتعثر
صار الـعلكمي احمر…من كد الجثث طمه
~~~~~~~~~~~
خادم تراب اقدام محبي الامام العباس
فاضل الغريباوي
قصائد نسائيه مكتوبة فزاعيه
لطميه فزاعيه للعباس ع
متنه من العطش عباس
ماتكعد تروينه
💦💦💦💦💦💦
ماتكعد ينور العين
انه امفاركه الطيبين
عباس او اخوه حسين
ما تكعد يوالينه
💦💦💦💦💦💦
ماتكعد يبو الغيره
زينب ضلت ابحيره
ويه العدو بالديره
ويه العده مخلينه
💦💦💦💦💦💦
عدوك يزمخ اعلينه
وختك ضلت احزينه
يضربنه ويبجينه
الحكلي يبو الشيمه
💦💦💦💦💦💦
الحك لختك اخذوها
صوط ونار اذوها
وطفالك الكادوها
ضلت حايره بيه
💦💦💦💦💦💦
اعله الغبره شلون تنام
محتاره بحرم ويتام
وانته الفارس الضرغام
وكله شمتت بينه
💦💦💦💦💦
هوسه
ايضربوني وانه اخت حسين
💦💦💦💦💦💦💦
✏ بقلم خادمة اهل البيت 💦
ياصاحب الزمان مكتوبه
يــا صــاحــب الـزمـان
يـا يـوم شمسك بالسماء إنشوفها
عـنـدك نواصب سيدي لتعوفها
قــم و إرفــع الـسـنـان
يـا سـيف وحي الخالق و عساله
صـرخة شرف من كل كتر تتعاله
و حــبُــهــم ضـمـان
صوت إبلسان أهل الشرف ترديده
مـهـما ركع مهما سجد متفيده
يــا قــامــعَ الــهـوان
صـرح إبـحبكم بالصحف باريكم
إعـليمن بعد ترمي السهام إعليكم
ع_ــدوك_ـم م_ـه_ـان
إلـكـم العزه الباري رافع شانكم
رب الـخـلـيـقه إتجسد بإيمانكم
بـالـسـيـفِ و الـلـسـان
إنـت لـسـان الـخالق و قرآنه
لـلـيـوم دمه إيسيل من شريانه
ن_ـه_ـرانِ ي_ـج_ـري_ـان
يــا صــاحــب الـزمـان
و إنشوف حربك من تدور إصفوفها
شهرت اعليك ابكل زمان إسيوفها
يــا صــاحــب الـزمـان
ديـن الله بـيـك إتـوثقت آماله
مـلـعون من عاده الرسول و آله
يــا صــاحــب الـزمـان
و الـمـا إيـوالـيكم أبد منريده
يـوم الـقـيـامه صفر تطلع إيده
يــا صــاحــب الـزمـان
بـأعـلـى الرتب يالغايب إمخليكم
لـيش النواصب صارت إتعاديكم
يــا صــاحــب الـزمـان
و الـذله مرسومه إبوجه عدوانكم
شـيدتوا صرح الدين مو بإلسانكم
يــا صــاحــب الـزمـان
لا تـنـسه جدك عالترب جثمانه
ظل جسمه مرمي و ما حضر دفانه
يــا صــاحــب الـزمـان