سؤال وجواب

من هي المذيعة لينا شاكر ويكيبيديا السيرة الذاتية كاملة


انتشر بشكل كبير في الساعات الاخيرة اسم المذيعة لينا شاكر ويكيبيديا وذلك بعد ان اعلنت صفحات السوشيال ميديا خبراً يفيد باصابتها بمرض السرطان ، وفي هذا الوقت يتسارع الكثير من الناس للبحث عن معلومات حول المذيعة لينا شاكر وفيما يلي نسرد لكم ما وصلتنا من انباء حول اصابتها بالمرض ونبذة عنها تشمل السيرة الذاتية لها .

من هي المذيعة لينا شاكر ويكيبيديا

هي مقدمة برامج تلفزيونية مصرية ، في العقد الثالث من العمر متزوجة ولديها ادم وعيسى من الابناء ، وهي تعد الوجه المألوف عبر قناة نايل لايف وسبق لها العديد من العمل مع قنوات مصرية معروفة .

وأعلنت المذيعة لينا شاكر اصابتها بمرض السرطان وبدء حربها مع المرض ، وخضعت لجلسة تسجيل بعد سقوط شعرها نتيجة الكيماوى التى تخضع له الان ونشرتها عبر حسابها الشخصى على موقع التواصل الاجتماعى فيس بوك ، وذكرت المذيعة لينا شاكر ، انها تكرر تجربة والدتها مُجددًا مع هذا المرض القاتل ، حيث نشرت جلسة تصوير لها، ظهرت من خلالها بدون شعر تمامًا، مؤكدة أنها في مرحلة الكيماوي بالفعل، مطالبة متابعيها بالدعم، وسرعان ما تلقت دعماً واسعاً من جمهورها واصدقاؤها ، من بينهم الاعلامية ومستشار المهارات والأعمال رغدة السعيد على دعم صديقتها في مرضها حيث قالت عبر حسابها الشخصي بموقع تويتر ” المذيعة لينا شاكر بقناة النايل لايف تعلن اصابتها ورحلتها مع مرض السرطان ,, ربنا يشفيها ويعافيها ويشفي كل مريض ”

حيث قرر الإعلامي، شريف مدكور، وهو أقرب أصدقائها، دعم الإعلامية، بوضع صورتهما سويًا، وإعادة نشر تفاصيل إعلانها للمرض، مُطالبًا بالدعم والدعاء لها.

ويرصد «فيرال» خلال السطور التالية، معلومات عن الإعلامية لينا شاكر بعد إصابتها بالسرطان.

من هي الإعلامية لينا شاكر؟

– مذيعة بقناة نايل لايف.

كم عدد متابعين لينا شاكر

– يتابعها أكثر من 1,465 متابع عبر صفحتها على موقع التواصل الاجتماعي «فيس بوك».

هل لينا شاكر مصابة بالسرطان فعلا

– نعم لينا شاكر مريضة سرطان ، وهي تعيد تجربة والدتها مع هذا المرض ، حيث أُصيبت والدتها بالسرطان قبل وفاتها، حيث ظلت تعاني منه لمدة 11 عام ونصف.

– كانت أول الداعمين للإعلامي شريف مدكور في حربه ضد السرطان.

اولاد المذيعة لينا شاكر ادم وعيسى

نشرت صورة لطفلين، منذ عدة سنوات وأكد رواد مواقع التواصل أنهما أبنائها «آدم وعيسى».

انستقرام لينا شاكر

تصف نفسها عبر حسابها على موقع تبادل الثور والفيديوهات «إنستجرام» بأنها مقدمة برامج تلفزيونية، وعلى استعداد لاكتشاف التصوير الفوتوغرافي.

– وصفت الإعلامي شريف مدكور، صديقها بأن «ذوقه بلدي» في اختياراته للجنس الناعم.

تجربة لينا شاكر مع مرض السرطان

كتبت المذيعة لينا شاكر تجربتها الشخصية، عن معاناتها مع مرض السرطان ومواجهتها له للتعافي، وتحدثت لينا لأول مرة عن تلك التجربة وكتبت عبر حسابها الشخصي على موقع«فيس بوك»:«أنا عشت مع أمي الله يرحمها تجربة الكانسر بكل حذافيرها وتفاصيلها من يوم أما اتشخصت ليوم وفاتها كانوا ١١ سنة ونصف.. كمية الألم اللي عشته معاها في التجربة دي مرعب وكانت دعوتي لربنا أنه يخفف عنها ويقدرني أني أساعدها.. وأكيد كنت بفكر مع نفسي ليه كل ده؟ قبل وفاتها بيومين وإحنا في المستشفى لقيتني بكتب كلام وكأني بكتب نعيها المهم أن في اللحظة دي شوفت حكمة ربنا بالنسبة ليا في كل اللي عدي وحمدته وشكرته لأني حسيت أن دي كانت أحلى حاجة أنا عملتها في حياتي.. وكأن ربنا اداني وقت أحبها أكتر وأدلعها وأكون لها بنت كويسة وأكون جنبها في كل لحظة زي ما كانت طول عمرها شيلانا عشان هي حقيقي كانت ملاك وأحن وأطيب ست في الدنيا».

وتابعت لينا متحدثة عن والدتها: «الدكتور اللي عملها الكشف أول مرة زعقلي وقالي دي بتموت انتوا جهله! بس هي ما ماتتش وقتها وعاشت الحمدلله والدكاترة بعد كده قالولي دي عملت record وأنها كانت بالكتير تعيش خمس سنين وده ما حصلش واتوفت بعدها بـ١١ سنة ونصف.. ربنا قادر على كل شيء مهما كان عندنا علم هو له وقت وقدره أكيد مش عندنا إحنا كبشر..بعدها بقيت بقول كتير أنا مش ماسكة في الدنيا ومستعدة امشي في أي لحظه لأني ما بقتش فرحانه بحاجه خلاص.. قوم يجيلي صديقي الانتيم يجيلو كانسر..طبعا واحده زي عندها الخبره الطويله دي حقيقي اتصدمت اما عرفت بس زي ما واجهت كل لحظه مع امي بقوه هو كمان واجه الفتره بتاعت العمليه والكيماوي بقوه وربنا يديم عليه الشفا والصحة..اتفقت معاه وهو في جلسه الكيماوي يوصفلي الاحساس بالظبط عشان كنت عايزه اعرف ماما الله يرحمها كانت بتحس بإيه ولاني مش ناسيه في واحده من جلسات الكيمو بتاعت ماما كانت في واحده ست في جلسه كيمو برضه جنبنا بس كانت بتتألم وبتشتكي لربنا بصوت عالي.. الست دي وجعتلي قلبي وبقيت ابص لماما وحسيت قد ايه امي ست قويه وحموله الله يرحمها».

وعن معاناتها مع المرض قالت :المهم انا كان بقالي سنه Heat free وبحاول اخلي شعري كيرلي طبعا هي معاناه بجد بس عشان اصمد اشتريت باروكه عشان البسها في الشغل لحد ما شعري يظبط ويتحسن وجيت في وقت بصيت للباروكه كده وقلت تفتكري حتحتاجيها في يوم لو اخدتي كيمو وده ماكنش يقين بس هي فيرال خطرت على بالي واول اما خلصت السنه وشعري ابتدي يتحسن ويبقي كيرلي حصلت المفاجأة اني بالصدفه احس ان في حته بليه كده في جسمي وفورا رحت اشوف ايه دي ومن هنا ابتديت الرحله..عملت الفحوصات والتحاليل واتشخصت وعملت العمليه واخدت الكيماوي وبعدها الاشعاعي..الحقيقه ان ماخدتش الخبر ده زي بقيه الناس ان صحيح جالي لحظه الانهيار كانت وانا بعمل المموجرام وماكنتش لسه اتشخصت بس لأني كنت بدعي ربنا انه ياخذني وانا على رجلي وفي صحتي وكنت متصوره انه حيكتبهالي بس في اللحظه دي زعلت لاني ابتديت احس انا داخله على ايه وفكرني بكل اللي عيشته مع ماما والحقيقه اني مش عايزه اعيشه تاني مع أي حد عزيز أو غالي عليا وكنت فاكره اني خلاص اخدت نصيبي من المرض في كل اللي عيشته وشفته مع امي بس اتضح انه كاتبلي غير كده واسرع من ما كنت اتخيل انا كنت بقول اكيد حيجيلي كانسر زي ماما بس ما تخيلتش انو يكون بدري كده وانا عندي ٤٣ سنه واديني عرفت بنفسي الاحساس ودوقت جلسات الكيماوي والاشعاعي كمان.

وشددت كله حيعدي ان شاء الله والمهم ان أي حد عنده المعركه دي أو الحرب دي يحاول يرفع من روحه المعنويه وربنا حيقويه ويقدره.. يحاول يطنش على أي حاجه أو أي حد يزعله عشان اللي مزعلك مش حييجي يشيل عنك وجعك وألمك وبهدله مرضك ولأن كمان مفيش حاجه في الدنيا مستهله.

ووجهت لينا نصيحة لمتابعيها :حاولوا تكونوا جنب اللي بيحبوكوا بجد وبيسعدوكم. .انا في الاول حبيت ان الموضوع ما يتعرفش وما قولتش لناس كتير من صحابي واهلي عشان ماكنتش عايزه حد يزعل أو يقلق أو حتي يشيل هم الخبر ده أو يبصلي بنظره حزن أو شفقه….بعد ال٨ شهور اللي فاتو خلاص دلوقتي انا جاهزه اني اقول للدنيا كلها مش عشان مستنيه حاجه.. بس عشان حاجه واحده..وهي اني اكون مصدر قوه أو إلهام واني أأكد لكل الناس ان دي مش نهايه الدنيا وان عادي ده مرض زي أي مرض ممكن يصيبنا وفي ناس اتولدت بأمراض أو اعاقات وربنا قدرها انها تكون قويه وتبهرنا بإرادتها وقوتها.

وأضافت: وزي اما قالولي على ماما دي بتموت.. ده ما حصلش وربنا الحمدلله مد في عمرها..مافيش حد فينا عارف ربنا كاتب له ايه ولا حيعيش قد ايه عشان كده انا بأكد لكم ان دي مش نهايه الدنيا وان طالما لسه فينا نفس لازم نبقي اقوياء ونحارب عشان اللي بنحبهم أو حتي عشان وقتنا لسه ما جاش

وأوضحت «لينا»: «انا كان بقالي سنين كتيرة ما عملتش فوتو سيشن وقررت أن ده الشكل اللي حعمل بيه الفوتو سيشن دي.. اني اكون من غير شعر عشان ده حالي وافكرني واقول لكل واحد أو واحده بيمروا بالتجربه دي انتم مش لوحدكم ملايين بيتعرضوا لها يوميا وبجد دي مش اخر الدنيا.

وتابعت: «صحيح انا ما قدرتش انزل امشي في الشارع كده بس انا قادره اتصور كده واحطها عندي على الwall وما اكونش مكسوفه أو متضايقه..واحطها على كل الgroups اللي انا فيها عشان نشجع بعض اننا ما نزعلش ولا نكسف وان يجي اليوم اللي نقدر نمشي في الشارع كده وما نشيلش هم الباروكه ونكون اقوياء وراضيين.. محدش عارف ربنا شايله إيه دي فرصه ترتبوا أوراقكم وتعرفوا انتم عايزين ايه حقيقي وتحققوه وتعرفوا ايه اللي فعلا مستاهل ومين اللي عايزينه في حياتكم ومين اللي خلاص مش مهم يكمل معاكم، دي مجرد فترة وحتعدي بكل حبايبكم واهلكم، وهنا لازم أشكر كل اللي ساندوني من أهلي وأصحابي وزملائي اللي ادوني سبب اني اكون قويه بحبهم وجدعنتهم ووفاءهم ومش حعرف اكتب اساميكم لانكم كتير بس حقيقي ادتوني سبب اني اكون قويه بلمتكم حواليا ربنا ما يوريني فيكم أي حاجه وحشه ويقدرني اني اكون ليكم زي ما كنتم ليا. انا عارفه انها صفحه وحقلبها واكون مستعده لقضاءك يا رب وراضيه الحمد لله..ربنا يقوي ويشفي كل مريض يارب ويهونها عليه وعلي كل حبايبه.. حقيقي انتم مهونين عليا كتيرربنا يخليكم ليا ويسعدكم ويبارك لكم.‎ أنا بكتب الكلام ده وانا خلصت خلاص والحمد لله عدت واللي جاي احسن.. إنشاء الله..أمابقي حكمته فانا لسه ما عرفتهاش بس اكيد حعرفها واكيد حياتي حتتغير وان شاء الله للاحسن».

وأوصت: «أمانة لكل اللي عندي على الwall ويعرف جدتي من فضلكم ماحدش يقولها لأني ماقولتلهاش انا عايزاها دائما تكون مطمئنه علينا كلنا وربنا يديم عليها الصحة».

واختتمت لينا شاكر كلماتها: «الفوتو سيشن دي ما كنتش حقدر اعملها غير بحبايبي اللي ما اتأخروش عني وانا اكيد بشكركم من كل قلبي انكم ساعدتوني في اللي انا عايزه اعمله …بشكركم على جدعنتكم وعلي وقتكم».

السابق
نقل فؤادك حيث شئت من الهوى ما الحب إلا للحبيب الأول القصيدة كاملة
التالي
كم سعر تذكرة دخول منتزه السلام الرياض ؟

اترك تعليقاً