سؤال وجواب

لطميات باسم الكربلائي .. كل شي يسبح البرية 2021

كلشي إيسبح الرب البريه باسم

باسم إسماعيل محمد الكربلائي منشد إسلامي شيعي وملحن، ولد في مدينة كربلاء في العراق عام 1966م وعاش طفولته فيها، متزوج ولديه أربعة أولاد، منهم علي باسم الكربلائي الذي اشترك معه في عدد من الإصدارات الإسلامية، درس القرآن الكريم والإنشاد على يد ملا تقي الكربلائي، هاجر هو وعائلته إلى إيران في عام 1980م. وبعدها أنتقل إلى سلطنة عمان ليقيم فيها حتى الآن.

ولد باسم الكربلائي بتاريخ 11 نوفمبر 1966 (55 سنة) كربلاء .

يعتنق الديانة الاسلامية ومذهب الاثنا عشرية .

كل شي يسبح | الرادود باسم الكربلائي

ليلة 10 شهر محرم الحرام 1443 هـ قصيدة: كل شي يسبح أداء: الحاج باسم الكربلائي كلمات: الشاعر السيد عبدالخالق المحنه المكان: هيئة جواد الأئمة (ع) – واسط
قصيدة : كل شي يسبح
للشاعر : السيد عبد الخالق المحنه
كلشي إيسبح الرب البريه
باجر يبجي دم لابن الزجيه
عدو الامامه .. يريد إنتقامه
◼️◼️◼️◼️◼️
نعم كلشي يسبح للعلي القادر
يحس ابهالمصيبه او يبجي دم باجر
نشوف الحق وحيد أو ماله ناصر
تره أكبر جريمه اتصير بالعاشر
تخون الناس ربها أو يغدر الغادر
سلاح الإنتقام الماي والحافر
باجر الله يستر من صباحه
باجر بس مشقه او ماكو راحه
عرفنه العلامه .. يريد إنتقامه
◼️◼️◼️◼️◼️
بده جمع الحطب وهوايه حماله
بده راس الخيانه يجمع إرجاله
اليسولف بي مرض والتسمع أمثاله
يخطط للقتال أو يشرح الحاله
أوصيكم غدا مانرحم إعياله
ولا تبقوا بقيه للنبي أو آله
باجر ماكو رحمه أو لا عداله
حتى الـ بالمهد واجب قتاله
ملخص كلامه .. يريد إنتقامه
◼️◼️◼️◼️◼️
تسولف بالحرب هالناس منشغله
ولا واحد شفت خجلان من فعله
يگول الأزدي باجر حصتي سهله
عليه ابن الحسن جاسم عزيز أهله
ولا أرتاح اذا جسام ماقتله
أطر راسه واحطم كل حلم رمله
باجر تنطفي شمعة شبابه
باجر حنة جفوفه بخضابه
تطيح العمامه .. يريد إنتقامه
◼️◼️◼️◼️◼️
إبن منقذ العبدي إهواي يتوعد
اذا ما أقتل الأكبر فلا أبرد
عزيز احسين هذا او يشبه الأحمد
اذا مافاز ابن غانم أنا أتعهد
شرط باجر أبوه إبصفه يتمدد
واريد أسمع نحيب أو يطگ يد إبيد
باجر أفجع إحسين ابحبيبه
حته للخيم يوصل نحيبه
واكثر سهامه .. يريد إنتقامه
◼️◼️◼️◼️◼️
رجال إبخيمه بس آراء مختلفه
من طاري إسم عباس متخوفه
گالو مستحيل إيطيح ونعرفه
حكيم ابن طفيل إتبرع إبچفه
أنا خلف النخل مجبور أتخفه
واذا أگطع يمينه ممكن إنضعفه
آني أگطع يمينه أتبرعلكم
هاذي حصتي واليسره إلكم
نزيح الغمامه .. يريد إنتقامه
◼️◼️◼️◼️◼️
يگولون إبگطع جفينه مانسلم
نريد الماي مايوصل للمخيم
إبن كاهل يگلهم عندي حل أسلم
أصوبه إبعينه والعسكر عليه يلتم
شخص شايل عمود أو وجهه يتبسم
يگول ابهالعمود الراس يتهشم
من يوگع نحز نحره أو نوذره
باجر ظهر أبو اليمه نكسره
نروح الخيامه .. يريد انتقامه
◼️◼️◼️◼️◼️
سهم عبد الله هذا وحرمله إمحضره
ولا يشرب الماي او ينگطع نحره ‏
شمر ما يخفي كرهه أو حقده عالعتره
یگول حسين باجر ارفس بصدره
أذبحه امن الگفه حقدا عله الزهره
يبجدل خنصره البي خاتم تبتره
صدر الباسته الزهره الزجيه
رضوا بالخيول الأعوجيه
نكسر عظامه .. يريد إنتقامه
◼️◼️◼️◼️◼️
يگولون الخيم باجر إحرگوها
ولا واحد سمعته گال إتركوها
نريد إنشوف زينب من تطلعوها
هذاك ايصيح هاي اعليه خلوها
نعم بسياطكم باجر إجلدوها
أبو فاضل يحبها لا ترحموها
يا أجمل خبر عد آل أميه
باجر بت علي عدهم سبيه
واسلبوا اليتامه .. يريد إنتقامه
السابق
محمود کریمی محرم ۱۴۰۰ مكتوبه
التالي
قصائد حسينية مكتوبة ( كل شي يسبح باسم )

اترك تعليقاً