سؤال وجواب

قصائد حسينيه مكتوبه باسم الكربلائي كاملة

قصائد حسينية مكتوبة

العقيلة تبحث عن يتيمة للحسين

ياللي من الخيمه تطِلْعين وترجعين
اشعِندچ ابهالبر تضربين اشواط سبعين

گالت أنا الكلّفني ابن امّي ابحريمه
زينب واخاطب اجنبي والله هضيمه
لكن اشبيدي ضايعه منّا يتيمه
طلعت من الخيمه ولا ادري اتوجّهت وين

گلها سواده يم اخوچ حسين چنها
تتحرّك ابصفّه يتيمَتكم أظنها
يمّه تون لكن يفت الگلب ونها
ويصعب عليچ المعركه وحدچ تروحين

گالت درب سوّوا بروح الحومه السّاع
وصدّوا تراني مسلّبه وماعندي گناع
ولحّد يمر اعْله اليتيمه خاف ترتاع
ومرّت تجر ونّاتها بين المطاعين

ولن اليتيمه حاضنه الجثّه وتنادي
ضيّعِتنا يا ياب ما بين الأعادي
بويه اضربونا وشتّتونا بكل وادي
أحنت على الطّفله وحضْنتها بليدين

تگلها طلِعتچ يا يتيمه روّعتني
وانا وحيده والمصايب شيّبتني
گالت يَعمّه ريت روحي فارگتْني
ولاشوف ابوي ابهلحوال اللّي تشوفين

جثّه بليّا راس مرمي فوگ غبره
شوفي يَعمّه امكسّره اضلوع البْصَدره
من گطّع اچفوفه وياهوالحز نحره
عريان ياهو السلّبه والرّاس في وين

يَمْ جسم ابويه حسين خلّيني يَعمّه
أحسب اجروح الجسد واتخضّب ابدمّه
بالهون شالتها وصاحت يَبواليمّه
بنفسي ألاحظ هالعوايل يا ضيا العين

هالحمل يَبْن امّي ترى محّد يشيله
أيتام كلها مطشّره ووحشة الليله
بضلع امّك الزّهرا لباري لك العيله
لازم اتحمل مثل ما وصيت يحسين


الرباب تبحث عن رضيعها

زينب أبوها المرتضى خوّاض لهوال
اسمع اشقاست ليلة احدعشر من احوال

تسعين ثكله حولها وموحش الوادي
هذي تنادي يخوتي وهذي اولادي
واگبالها چطفل منّه الگلب صادي
حيف وثلثتيّام محروم امن لزْلال

وهذي تنعّي اعله وليها وهذي اتنوح
اعْلَه شبابٍ عاينت بالعَطش مذبوح
وهذي تحشّم راح طفلي وين انا اروح
وهي الوردها تكمّله بتْ خير لَعمال

ولن الرّباب اتنحّبت والصّوت عالي
اتنادي يَبنت الطّهر يا زينب تعالي
هذي الوديعه واجفه بطفلي اگبالي
تگلّي ارضعي طفلچ ومنها الدّمع همّال

گلت الها يا ست النّسا مَتعاينينه
مالت رگبْته والسّهم فاري وتينه
ردّه الشّهيد حسين ليّه ذابحينه
جسّت رگبته وصرخ وانا افزعت بالحال

وين الطّفل يعزيزة الكرّار شوفيه
مرمي بيا وادي بعَجل دلّيني اعليه
هذا لَبَن صدري جرى واريد أروّيه
مهجة افّادي الما مثل شخصه بلطفال

گالت دگومي يا رباب ولا تضجّين
روّعتي اطفالي وهيّجتي النّساوين
اببّاب صيوانه نظرته يدفنَه حسين
لا ترفعين الصّوت وتهيجين العيال

طلعت من الخيمه المحروگه بغبنها
وامّ المصايب وصّلتها الگبر ابنها
خرّت عليه متْدوهشه وانگطع ونها
وتصيح يبني خابت اظنوني والامال

يبني ردت بيك افتخر بين النّساوين
واگول جدّه المصطفى خير النّبيين
حسين ابوه امن النّبي وابني من حسين
وهذا الشّرف ماصار مثله اوّل وتال


شكاية زينب وقد أظلم الليل

أمسى المسا والنّار ما خلّت لنا خيام
صيوان ماظل تلتجي بظلّه هالايتام

أگبل عليّ الليل وازدادت الوحشه
ما شوف غير ايتام تتصارخ بْدَهشه
وشيخ العشيره حسين ماحد شال نعشه
مطروح وبْجَنْبه علي الأكبر وجسّام

عبّاس عندي البارحه ايحوط الصّواوين
يامر وينهى واخوته كلهم مسلحين
والخيل مسروجه واهلها مستعدّين
مصغين للصايح ولا منهم جفن نام

وحسين من يسمع بچا بخيمه دخلها
ايسلّي الحرمه وياخذ بصدره طفلها
وباتت خيمنا مطنّبه وتزهر بهلها
وصيوان اخوي حسين حوله ترفرف اعلام

واصبحت وشْبول الهواشم حولي اوگوف
وامسيت مالي اگناع واتْستَّر بلچفوف
ويّا يتامى اگلوبها طارت من الخوف
وين المعزّه اُووين زهوة ذيچ ليّام

أصبحت حولي سْباع وامسيت اصفج الچف
وانظر جنايزهم عرايا بعرصة الطّف
باچر يركبونا الاعادي اجمال عجّف
دربٍ طويل ونبتلي بعدوان ظلاّم

گلها علي السجّاد يا عمّه شجاني
حالچ وانا مگدر اتحرّك من مكاني
صاحت يَنور العين عتبي اعله زماني
اللي علي الكرّار ابوها اشلون تنضام

والاّ المصيبه ضجّة الايتام حولي
الوعد الصّبح چان العدا شدّوا ذلولي
واعظم مصيبه چان گاد الجمل خولي
وساعة الگشره چان راح الظّعن للشّام


حضور أمير المؤمنين ليلة الحادي عشر

حرگوا خِيَمْهُم والوحيده الهاشميّه
تلم اليتامى وموحشه عليها المسيّه

چلچل ظلام الليل وارعد عصف لرياح
ليلة احدعشر وابسماها البدر ما لاح
سرّحت بالوادي نظرها بدمع سفّاح
واتگول والله ليلةٍ گشره عليّه

حول الخيم لنها تشوف يحوم خيّال
ضاگت عليها الواسعه وصاحت ابولوال
جنّب يفارس چان جيتك تطلب المال
نهبوا الخيم والنّار ما بگت بگيّه

وخّر ترى احنا مسلّبات ولا لنا ثياب
وارجالنا كلها جنايز فوگ لتراب
وانا ترى زينب وابويه داحي الباب
محد من العالم طبگ يدنى الثنيّه

أمّي الزّهرا ودعوتي لازم مجابه
وجدّي رسول الله وانا روح النّجابه
وصدّت تحن صوب النّجف صاحت ييابه
ابهالحال يا حيدر ولا تنتغر ليّه

حيدر أبويه اللي يدير الفلك بيده
وانا العزيزه شلون خلاّني وحيده
چي ما درى ابزينب ابهالحاله الشّديده
ولنّه يناديها يَزينب يا زجيّه

انا يَزينب والدچ واسمع اعتابچ
وكلّه نصب عيني يَمحجوبه مصابچ
يعزيزة الزّهرا الگضا للطّف جابچ
صبري يَبنتي واحمدي رب البريّه

صاحت يَغوث الموزمه حِرْنا بصفاتك
كاشف الشدّه اشلون يوم الطّف فاتك
ما جيت لابنك واكشفت شدّة بناتك
ظلّن بليّا استور بين اعلوج اميّه

حيدر يَبويه عگب عينك گاطعتنا
هذي الأمّه ومن وطنّا شرّدتنا
هذا النّهر يمنا وعن ورده امنَعتنا
وچم طفل عدْنا امن العطش ضاگ المنيّه

دفنوا خوارجهم ولا شالوا لنا ميت
وانا على التل اوگفِت حسره وناديت
ياليت لا چان ارفعت صوتي ونخيت
ما جاوبتني غير خيل الاعوجيّه


زينب وسكينة على جثث القتلى

گومي يسكنه امن الخيم ويّا النّساوين
وشوفي الخيل اتدوس عز الهاشميّين

گومي نروح المعركه للوالي نشيل
جثّة ولينا اتحطّمت من حافر الخيل
طلعت يويلي والمدامع تشبه السّيل
وشافت اجساد اعْلَه الثّرى كلهم مطاعين

گالت يعمّه ابهالجثث مَتْخبريني
ومن هالذي امگطّع يعمّه اگبال عيني
بجنبه اولاد اثنين والله مذوبيني
ومَدْري إبن عمّي يَعمّه جثّته وين

مَدْري تغيّر مثل بدر في خسوفه
لو وگع عنّا بعيد واحنا ما نشوفه
واعلامة العرّيس مخضوبه اچفوفه
ولا سمعنا تگطّعت منّه الچفّين

ولاشوف انا اولادچ يعمّه محمَّد وعون
ماشوف غير اقمار بالعركه يزهرون
هذا مگطّع بالحريبه وذاك مطعون
كلهم بليّا روس شوفي كسرة البين

گالت يَسكنه اللي امگطّع علي الأكبر
واللي اگباله اولاد عبد الله بن جعفر
وابن الحسن بثياب عرسه ما تغيّر
من طلعته امچفن ابثوب العرس تچفين

گالت اولاد امّ البنين اهل الحميّه
مَتخبّريني وين صاروا يا زچيّه
صاحت يَسكنه هاجت احزاني عليّه
گلبي تراهو ذاب سكتي لا تنشدين

ذوله اولاد ام البنين اخوان عبّاس
أشبال ابويه المرتضى صعبين لمراس
وامّا الكفيل اعْلَه النّهر جثّه بلا راس
واللي تدوس الخيل صدره عزنا حسين

قصيدة: ليلة الوحشه و قلب العيله مفطور

ليلة الوحشه و قلب العيله مفطور
راح سورج يا عقيله و انطفى النور 

وحشهالليـل ضيـعـة أيتامـي غربـة أزمـانـى
مـذبـوحـي آه يا مـذبوحـي آه ياعطـشانـي
شلـون أنساك شلـون أبطـل من نوحي و أحزانـي
جنت اويـاي وصرت آنيبروحي وجسمي أجفانـي 

قـوم انظـر هـالأعـادى سلبـونـا امن الكرامـه
قـوماسمـع هـالبـواجى امن اليتامى و الأيـامـى 

وحشه الليـل من إلى الحرمه يشفقعليهـا
مـسـبـيـه تتستر عنهـم ويلي بيديهـا
و الطـاغـي بسوطه يضربها ويشتمواليهـا
و باقي اجبـال الغم أولـها و الهم تاليهـا 

يا صنديد الحرب يامخيف السبـاع
يا شيال الحمـل يا الطايح بالقـاع 

يا راعي المرجله يا خواضالردى أخبرك بالحرم هالراحن اضيـاع
أخبرك بالجرى اوصار على الخدر من الهتك او منالمحنة والأوجاع 

لو إن الليث أبونا اليـوم يدري
أخويه حسين راسه اشلونمبري 

وسمع باللي حصل اجا لينا اووصل ولفاني ودمعتي اعلى الوجن تذري
اوفكنا من السبا ولا اتعذّر لنـا او برّد نـارهـا شبت ابصدري 

عظّـم اللهالأجـر لك يا النبي المختار
عظّـم الله الأجـر لك يا علي الكرار
ومأجوره يازهـره بمصاب الغريب المحتار
مأجوره بنحره الّي نساج الجزل والمسمار 

ومأجور يا مسموم بحسين هذا اليوم مظلوم اوخيك من عقبكمظلوم 

آجرك الله يا مهدي يا بو صالح بحسـين
آجرك الله يا الغايب يا مغيّبعن كل عين
وينك في هذي الليله واتهل ادموعك ويـن
وتتذكر صرعة جدّك يا بن الآلالطيبـين 

نشكي لك محنـتنـا يا بو صالح يا مبـرور
نتـرجـاك تنقـذنـا منغدر الدنيا والجـور
يـمتى يـا حـامينـا يتشعشع من مكه النـور
و بـطيـبهللهـادي تذرف دمعاتك واتـزور 

وللزهـره تعرج بدموعك وانصـب دمعتنـاوياك
ما ندري بالروضه اندفنت لو عنـد المسمـوم اهناك
وللغـاضـريـه تتعنّـىوتلـزم يا ويلي الشبـاك
وتاخذ ثاراتك يا ثـايـر وتنقذنا من جوراعـداك 

ليلة الوحشه و قلب العيله مفطور
راح سورج يا عقيله و انطفىالنور 

جت لـه اتصيح سكنه يا بـويـه نايـم اب ها الحر
مـفـجـوعـه فـتـتافـاده وصـدره لمكسـر
بـويـه ليـش خلّيـت اسكينـه ما بين الـعسكـر
بـعــدكيـا بويـه لا أهـنـه و قلبي ما يـستـر 

بـويـه لا تخفي اعليـه هذي الروحه لولك جيّـه
جان تروح خذني ويـاك صبر بعـدك ما كـو بيـه 

مـن مهـرك بويـهلفانـي دمعـي ا تحـدّر
ذوبـنــي و غير ألوانـي و للقلب فطّـر
و حق جـدك فـدوهالخدك خدي يتـعـفر
وراس الديـن و الله من بعدك مشيّـب و مغبر 

يا جـديشـوف أبويه حسين مذبوح
يا جـدي ما بقت له امن الطعن الروح 

يا عطشان القلبيا شمس اعلى الترب على الشاطي يا نور العين مطروح
يا نايـم بالثـرى و اضلوعهمكسره اومن نحره المدينـه ومكـه اتفوح 

يا جـدي الرمـح بفـادي تثنّـى
ياجـدي و بالوجه للسيـف رنّـه 

ما تنظر خنصـره ما تنظر منحـره يا جدي و شيـبهابدمـه تحنّـى
و حوافر غايـره اعلى صدره عابره ما تسمع من اضلوعـه غيرونّـه 

ويلي عطشان اعلى شط العلقمي يذبحونـه
مـات ومحّـد وقـف يا خيرالبريه دونـه
محـد مـدّده ولا غمّض يا جدي اعيونـه
مفرد ايعالج على الشاطيومنخطـف لونـه 

من مدد ايديـه من عدل رجليه بالحـر يعالج محد قربليـه 

محد في قلبـه ذرّه من الرحمـه يمطهـر
محد في حلقه قطره من هالنهـرقـطّـر
يا جدي فوق الغبره ويلي خـدّه معفـر
وعالخيم بعد اعيونه هجمت خيلالعسكر 

وينـك يا والـيـنـا حيـدر يا كاشف لكروب
يا داحـي خيـبرهـا يا مـنللشـده مندوب
شوف ابنك يا الـوالي بسيـف الضبابي مضروب
و مخضـب من نحـرهوراسه اعلى الرمح منصوب 

يا بحـر العلـم و العفّـه يالصايم يا اسراجالليـل
يا قـرآن الله و دستـوره وليثـه لو أقبل عالخيـل
يا ريتك شفت ابنكطايح يا ويلي لو ينفـع ويـل
نايـم عالغبره و النسـوه عنـه للشاماتاتشيـل 

ليلة الوحشه و قلب العيله مفطور
راح سورج يا عقيله و انطفىالنور 

جـت زينـب و الله يساعدهـا هـذا المـقـدر
مـدهـوشـه لا مو مدهوشـهما اقدر اتـصور
محـزونـــه لا مو محـزونـه أعظم او أكثـر
مـذبـوحـه لا مومذبـوحـه أفظـع او أكبـر 

طايـح ليش منجدل ليش بعـدك ما ذوق لـذةالعيش
خويه حسين يا عضيـدي بعـد فقـدك والله ما عيش 

من شفتــك مهجـتيذابـت قلـبي تمـرمـر
وافـــادي مو حجر قاسـي مو صخـر مرمر
مو جسمـك هذا عرشالديـن بالوطيـه خـر
مو راســك لـكـن القـرآن بالرمح يـزهـر 

اوناداهـابضعيـف الصـوت يختي
مهو نوحـج شعـب قلبي تسكتي 

إلى الخيمه ارجعـي او باريهالحـرم يانـور العـين خليني ابمهجتي
ما ضلت يالـولـي لنا خيمـه تـرى خيمنـاامسعره وآني بحسرتي 

بجت عنده او صاحـت له يا عقلي
يا روحي نـور وجهي وباجي أهلي 

تـقلي يا صـواب عليك أكثر وجـع يخويه حسين شتحسّه تـقلي
عليكاسم الله يـا حبيب المصطفـى بعد عينك يا سوري وين أولّي 

نادى يا زينب ترىامن العطش يبست جبدي
و الوطيـه اللاهبـه حرقت يا زينـب زندي
والشمس صهرت يابنت ياسين او حيدر خدّي
لكن جيّة سكنـه ليه أصعب و أعظـم عندي 

مقدرتجيـني وتسمع ونيني ماليّه مهجه انظرها بعيني 

الله الله فـي الـعيلـه بـعـديلا تتشتـت
صبرج بالله و بالبـاري كـل امصيبه صغـرت
و دافعها الشمر برمحـه ليتايدينـه انشلـت
و صاحت شكوتنا بعدك يا بو اليمّـه انـفلـت 

حـادينـا منبعـدك طـوّح او بالحـرم شال
بـفـادي يا اعمـادي تتصارخ نسـوه وأطفال
والمحمـل يا عـبـاس منهـو اليعـدله لي مال
بليّه معين في الصحـرا في غربـه واركوباجمال 

إبجي و سحي الدم يا عيني وغسلي ابها اثنينـن وسبعين
خـوتي واعماميو شباني وعبد الله اللّي بصدر احسين
هـذي جثثهـم بالرمضا لكن روس الصرعىويـن
كلهم تفانـو بس نسـوه جيتي النـا يا طـفِّ امنين 

ليلة الوحشه و قلبالعيله مفطور
راح سورج يا عقيله و انطفى النور

السابق
من هو اول من قال اهلا وسهلا ( من القائل ) ؟
التالي
من هو الصحابي الذي ولد في جوف الكعبه

اترك تعليقاً