اخبار حصرية

شعر عن الامام الكاظم مكتوب ” قصائد “


المحتويات

لطميات الامام الكاظم عليه السلام مكتوبة

قصائد استشهاد الامام الكاظم عليه السلام، والامام موسى الكاظم بن جعفر (7 صفر 128هـ-25 رجب 183هـ) أحد أعلام المسلمين، والإمام السابع عند الشيعة الإثنا عشرية، والده جعفر بن محمد الصادق أحد فقهاء الإسلام، قضى جزءاً من حياته في السجن، وعاصر فترة حساسة من تاريخ المسلمين. كنيته أبو إبراهيم وأبو الحسن، ومن ألقابه عند الشيعة : الكاظم والعبد الصالح وباب الحوائج وسيد بغداد، وقد سُمي بالكاظم لشدة ما كظم من الغيظ وصبر على ظلم الظالمين له.

في هذا المقال اليكم نرصد لطميات عن الامام الكاظم وتشمل مجموعة كبيرة من القصائد المكتوبة لمجموعة من الشعراء بمناسبة استشهاد الامام الكاظم


بادر الإمام (ع) في توسيع مؤسسة الوكالة، فعيّن أشخاصاً في مختلف المناطق كَوُكَلاء عنه وذلك من أجل تسهيل تواصل الشيعة بإمامهم، واقترنت فترة إمامته بتشعّب الفرق الشيعية، حيث نشأت في بداية إمامته الفرقة الإسماعيلية والفطحية والناووسية، كما ظهرت الفرقة الواقفية بعد شهادته.

أشادت مصادر الشيعة وأهل السنة بعلمه وعبادته وبجوده وحلمه، ولُقّب بالكاظم لشدة كظمه الغيض، كما عُرف بالعبد الصالح، واشتهر بباب الحوائج أيضاً، ويحظى الإمام باحترام علماء السنّة باعتبار أنّه عالم وفقيه، ويقصد ضريحه السنّة والشيعة في الكاظمية ببغداد والذي يعرف بالعتبة الكاظمية.

ورد أن لأبي الحسن الكاظمعليه السلام سبعة وثلاثون ولداً بين ذكر وأنثى أشهرهم: الإمام الرضاعليه السلام، وأحمد بن موسى، ومن أشهر بناته فاطمة المعصومةعليها السلام.

نخوه قصائد للامام الكاظم مكتوبه

نزلة …. في مصاب موسى بن جعفر الكاظم عليه السلام
صوت المحب كبّر
ياموسى بن جعفر
باب الله بابك سيـدي وفاز الدخل منها
ياسيــدي وبزيـارتـك جنّتـنــه نضمنــها
موسى بن جعفر حضرتك مانبتعد عنها
زوارك نزورك نجـي وصرختنــه نعلنــها
بزيــارتــك نفخــر
ياموسى بن جعفر
🔹🔹🔹🔹🔹🔹🔹🔹🔹🔹🔹
كـل النواصـب سيـدي خلهـم يسمعـونه
مشــايه يالكاظــم نجـي لا مـايمنـعـونه
مجنونه تدري بشيعتك ياموسى مجنونه
ذوله احنه جينه لحضرتك فنهم يردّونه
بمصيبـتـك نحضر
ياموسى بن جعفر
🔹🔹🔹🔹🔹🔹🔹🔹🔹🔹🔹
احبابك احنـه وشيعتك بسمك تسمّينه
ماخفنه من كل ناصبي احنه التحدينه
من گبـرك يشـع الضوه ياموسى والينه
الگيّد چفـوفك بالسجن ياسيــدي وينه
واليبغضك يخسر
ياموسى بن جعفر
🔹🔹🔹🔹🔹🔹🔹🔹🔹🔹🔹
نوصل ضريحك سيدي ياموسى ونطوفه
ويانه ما ميـت عـدل وحســاسـك نشوفه
يالكاظــم وحبـك فـرض لا والله منعـوفه
اسمك يضـل بكـل گلـب ماتنمحي حروفه
حبــك نمـه واثمـر
ياموسى بن جعفر
🔹🔹🔹🔹🔹🔹🔹🔹🔹🔹🔹🔹
لمـن نطـب لحضـرتك نـذّكّــر امصــابك
يالكاظـم ونجـري الدمـع ياسيـدي بابك
نذكر قيودك والنعش ياموسى وصوابك
نعشك نشيعه بالدمع ذوله احنه احبابك
بينـه الجـرح يكبر
ياموسى بن جعفر
🔹🔹🔹🔹🔹🔹🔹🔹🔹🔹🔹🔹
نلطـم عله الـروس ونـون ننصبلك المـأتم
نحزن عله مصابك حزن چن عاشر محرّم
والمهدي ويّانه حضر يجري الدمع من دم
يالـكـاظــم ومثـلك تـره مهــدينــه يتــألّم
نتنطّـــره يظـهــــر
ياموسى بن جعفر
اليــوم مشايــه يســد بغدادهــا            هــاي شيعتــكم تريــد مرادهــا
**********************************************
اليوم نمشي الموسى لونار وجمر
مانهاب اهل الغدر وهل الكفــــــر
دربه رحمه وهو للـــــــجنه جسر
وزحف شيعتكم تجي بميــــعادها
**********************************************
اليوم نمشيلك يبن ليث العريــن
مانهاب الموت ابدن مانـــــــلين
سيوف حق وللمنايه محضرين
والمنايه تصــــير يوم عيادها
**********************************************
جينه لركان الجسر والفاجـــــعه
والجفــــــن مولاي يهمل مدمـــعه
اليوم حته الدين يبجي المصرعه
والجسر مولاي خــــــــط حدادها
**********************************************
موعدك مولاي كلت عللـــــجسر
الجمعه والميعاد في وقت الضهر
وشفنه حمالـــــين حرنه  بهل امر
هذا ياهو المات برض سوادها
**********************************************
شيلو المسجون بغـــلال السجن
اليوم حته الارض لمصابه تون
والعباد بحسره ودموع وتحــن
هذا مام الشيعه وصل مجادها
**********************************************

 قصائد حسينية مكتوبة عن وفاة الامام الكاظم

يالكاظم اجيناك
….
الك يامظلوم احنه جينا
تسحك دروب الخطر رجلينا
بالمصايب والمحن واسينا
مانعوف حسين تدري بينا
بدمانه بدمانه كتبناك
……
روحي متعنيه الك ملهوفه
كبل هذا الجسد هيه اطوفه
رمد عيني اتفتح من اتشوفه
لزمت الشباج ليش اتعوفه
خليهه خليهه اتمناك
………..
بحريل راوي عطش زوارك
مدري ليش كليبي هوه اختارك
شوف بعيونك  اجت انصارك
باجر ويه المهدي ناخذ ثارك
مالحظة مالحظه نسيناك
……
دمعت المتعني محسوبه دوه
صار حبك مثل شمات الهوه
ماخسر كلمن على بابك نوه
حبك بشرياني وي دمي سوه
بل فطرة بالفطره هويناك
…….
رجل شايب يعتنيلك كل سنه
يسحك دروب المخاطروالعنه
مرت المشايه شو ماشفته انه
ثاري ملج الموت يم بابه دنه
نيتنه نيتنه خدمناك
………

 لطميات حسينية مكتوبة عن وفاة الامام الكاظم

▁▁▁▁▁▁▁▁▁▁▁▁▁▁▁▁▁▁▁▁▁▁▁▁
قصيدة في رثاء الإمام موسى بن جعفر عليه السلام
رايه يامـولاي تـتـبع رايه
معتنين لحضرتك مشاّيه
………….
شيعتك يالكاظم واحبابك
جينه مشّايه الك بمصابك
باب للجنّة ودخلنه ابـابـك
عالعهد شيعة ونجي وفّايه
…………..
گالوا بسجن العده مگيّدينك
خلصن بظلم السجون سنينك
ماكو واحد عالخروج يعينك
بالسـلاسـل رجـلك مـدمّـايه
……………..
نواسي گلبك سيدي يالكاظم
سمّـك الملعـون ذاك الظالم
منّه يقتص بالظهـور القائم
مانشك لا والرسـول بهـايه
……………..
شلون عافك عالجسر ماشالك
وينـه هـارون النـذل چتّـالك
انـت ذلّيتـه الـتّـمـنّـه اذلالك
آية انـت وماتـذل الايـه
……………..
واحنه جينه مصيبتك نحييها
عالمنـابــر قـصّـتـك نرويـها
وبمصـابـك فاطمة انواسيها
هـوه هـذا من المسير الغايه
……………..
احنه نتحدّه النواصب جينه
عالجدم ياسيدي اتـعـنّـيـنـه
وينه وينه الراد يمـنـع وينـه
الّا تسحگ رگبته المشايه
……………….
سيدي ياموسى ما ننساكم
انتوا قادتنه ونظل ويّـاكم
والله ما يسوه العمر لولاكم
والوصيّه بيكم موصّـايه
خادم الإمام موسى بن جعفر عليه السلام
سيد زيد الفحام
نزله .استشهاد الكاظم .ع
      بعدَ كل عسرٍ يسر
     والفرج فوگ الجسر
نلتقي الجمعه ضحاً يبن سويد
      +++++++++++
تفرج اشماضاگت وربك گضاها
هيّه روح وبيده ياخذها النطاها
17 عام ابسجنها اشضل وراها
بالمنيه يلله ترتاح امن اذاها
        امگيد اگضيت العمر
        والفرج فوگ الجسر
يبن سويد
       +++++++++++
الأجل الِ النبي بس عدنه ينقاس
ألفرج عدنه المنيه وگطع الانفاس
گيدي مو بس ايدي جارح بيه لحساس
وتدري طبع المنچتف فاگدله عباس
       ينسبي ويفگد خدر
       والفرج فوگ الجسر
يبن سويد
       +++++++++
كلها ايام او الاگي الزهره امي
هيّه بس تفهمني الها اشكي همي
موعطش يالزهره گطّع چبدي سمي
يُمه يالكاظم تصيح الزهره بسمي
     مثلي وجهك منسطر
     والفرج فوگ الجسر
 يبن سويد
      ++++++++++
بيا حسين الصيحه من اتشيعوني
المانسيت بسجني طفهم مانسوني
باچر احسين وعضيده من يجوني
والله صعبه بالنعش لو شاهدوني
       بثوبي جسمي منستر
       والفرج فوگ الجسر
 يبن سويد
     ++++++++++
كل سنه ادّور او مجالسكم تنصبون
اني اسمعكم واجاوب من تنادون
يالغريب ويالگضيت ابقعر الاسجون
الحاجه انطيها ابأديكم من تطلبون
        ماكو خاطر ينكسر
        والفرج فوگ الجسر
يبن سويد
      ++++++++++
عني بلّغ شيعتي موسى سندهم
والله دنيه واخره أحضر شددهم
واليگصدوني بحوائج ما اردهم
بالگبر لو نزلو ايلاگوني عدهم
        شمعه اضوّي بالگبر
        والفرج فوگ الجسر
يبن سويد

 قصائد حسينية مكتوبة عن وفاة الامام الكاظم

🏴؏ــظـم الله اجــورڰــم 🏴
●●●●●●✿✿✿✿✿ ●●●●●●
آ  يموسى وشـِـدِّته    آ  يموسى
                                     *
أبـن جعفــر ﮔِضـَـت أيــّــامه لـُـوعات
ابسِجن هارون بس تسمـَـع له ونـّـات
واله ابجـِـنح الظلام القاسي سَجدات
تِهـِـد اعـــروش واتطيــّــح زعـَــامات
آ  يحـُوبة سَـجدِته
                                     *
مصـيبة موسى لاصـَـارت ولا اتصــير
عَصيـَّـه اعلى الفِهم واعلى التـَفاسـير
اوقضـِـيته اتخلـّي ذِهن العاقل ايحير
ﮔضـَه العشرين من عمرَه ابطـــوَامير
  وللمنيـَّــه  وَدِّتــه
                                     *
ســجن هــَـــارون جـَــلَّاب المنيــّـــه
وﮔـــبــر مَحفـُــور بـس للجـَـعـفــريّه
بنــي العبــّــاس تِــبعـَـــوا آل اميـــه
ابمـُــعادَاة الســُـــلالـَـــه الهاشــــميّه
والرسول وعتـرته
                                     *
عِـبـَــر هالدنيـه تحتـــَــاج اليِفهمُـون
واسألك وين أصبـَــح قصـــر هارون
وتعال انظـِـر ﮔبـر موســـى بــالعيون       ومـــلايين البشـَــر لـَجلـَه يقصــدُون
والذهــب لِبـﮔبـّـته
                                     ***
يبُـو طِـلبــَــه إلك بالدنيــّـه أحبـَــاب
والك ثــَـارات ياموســـى بالرﮔــَــاب
ابإدين المهدي وانصـَاره والأصحاب
انخـَـلـّـص ثـارَك وثــَـارات الارهــاب
ومو بعيده صولِـته

 قصائد حسينية مكتوبة عن وفاة الامام الكاظم

▁▁▁▁▁▁▁▁▁▁▁▁▁▁▁▁▁▁▁▁▁▁▁▁
اويلاه يالسلسله
……………
كل شيعي يصرخ عالجسر
رديتي ايام الشمر
لمن حده بنوك اليسر
سويتي عملة كربله
……..
بيد الامام مكيده
بالهم يعيش الوحده
هم انتي جنتي مجنده
ضد الامام وكل هله
……..
ماعندج مروه وخجل
من شفتي بالسم انكتل
موهذا ابن خير العمل
ليش انتي صرتي مقصله
……..
بين الجفوف محيره
ماكسر كلبج منظره
عالجسر جنتي مخوصره
عدج طبيعي المسأله
…..
مابين جفه والجدم
ماهزج شويه ندم
سببتي للكاظم الم
روحي انتي غير محلله
………
جبتي المنيه بجيتج
وحده الامام اتحملج
ويه الجنازه خطوتج
رجعتي نبلة حرمله
…….
اذيتي جبدة شيعته
والكون ينزف دمعته
حال الرزيه حالته
والكاظم ابهم ابتله
……

 قصائد حسينية مكتوبة للامام الكاظم

جيتك اطلب مرادي يامسموم
جيتك ياأبن جعفر     يامسموم
ماردني البرد والحر  يامسموم
ردتك لشعب تحضر  يامسموم
بينه تعرف شغادي   يامسموم
جيتك اطلب مرادي  يامسموم
……
جيتك زاير البابك      يامسموم
عايش لوعت مصابك يامسموم
تسمع صرخة احبابك يامسموم
جيتك جايب اولادي  يامسموم
جيتك اطلب مرادي  يامسموم
…..
جيت وبالكلب ناري  يامسموم
بيدك افتح اسراري  يامسموم
يمك رحمة الباري   يامسموم
عليك بداعت الهادي يامسموم
جيتك اطلب مرادي  يامسموم
…..
يهالكظاي كل حاجه   يامسموم
روحي الليله محتاجه يامسموم
جودك تلطم امواجه  يامسموم
اريد بجفك اسنادي   يامسموم
جيتك اطلب مرادي  يامسموم
……
اجيت وجايب همومي يامسموم
اخلص بالدمع يومي  يامسموم
جفي المرقدك يومي  يامسموم
تصيح الروح وتنادي يامسموم
جيتك اطلب مرادي   يامسموم
#قصائد_شهادة_الامام_الكاظم_ع
واويلاه يمسموم واويلاه     واويلاه يمسموم واويلاه
****
آه يا مسجون يا كعبــــــــــة محن
بصبرك انذلت تـــراهي اهل الفتن
إلك بغداد أصبحت حضره وصحن
أبذله ذيـــــــچ أعداك ضلت نايمه
****
آه يا مسموم يــــــــا عظم المصاب
بسجن أظلم گضه يا وسفه الشباب
واليصد لموسى ينظر بس ثيــــاب
نحل جسمه من القيود الضالمـــه
*
آه يــــا مسموم آه يـــــــــا محنته
آه يــــا صبره وعظيم مصيبتــــه
گيدو يسراه حيـــــــــــــف ليمنته
شابهه السجاد گيده والدمــــــــه
آه يا مسموم يـــــــا كهف الصبــــر
شيعته بيا حـــــــــــال ظلت تنتظـــر
سمعت أجنازه يوسفه أعلـى الجسر
نعش أبن جعفر أعلى الجسر أنرمه
*
آه يـــــــــا مسموم محد گبلــــــــه
ولا غمضله أعيونه واحد من هله
مثل حال حسين وحـــــــده بكر بله
وهوه سبط الهادي وأمــــه فاطمه
*
آه يا مسموم مـــــــــن إلا رشيـد
گبله يــا ميت مسلسل بالحديـــــد
صار للأحرار أسمه أروع نشيــد
ونور صحنه يصعد لحد السمـــه

قصائد و لطميات عن وفاة الامام موسى الكاظم مكتوبه ٢٠٢١

في رثاء الإمام موسى بن جعفر عليه السلام
موسى الكاظم المسموم.     ينطركم تشيّعونه
……………..
نعشه عله الجسر مطروح.      ينطركم تشيّعونه
ياشيعــه بـدمــع وبنــوح.       ينطركم تشيّعونه
مـگـيّـد ميّـت ومجــروح.       ينطركم تشيّعونه
ما حـسّــب تـخــلّونه.            ينطركم تشيّعونه
……….
ياشيعه بجسر بغداد.        ينطركم تشيّعونه
نعشـه بعـازت الاولاد        ينطركم تشيّعونه
للـكـاظم فـزع يـنـراد.       ينطركم تشيّعونه
بالهم غمضت عيونه.        ينطركم تشيّعونه
………….
سَـمّـه بلاذنـب هـارون.      ينطركم تشيّعونه
ياشيعه العمر مسجون.      ينطركم تشيّعونه
يبقه عله الجسر ترضون.    ينطركم تشيّعونه
افـزعــوا ولا يـأذّونه.         ينطركم تشيّعونه
…………….
غريب ولا اهل عنده.        ينطركم تشيّعونه
الكاظم سمموا چبده.        ينطركم تشيّعونه
ميّت عالجسر وحده.        ينطركم تشيّعونه
منكم رايد العونه.            ينطركم تشيّعونه
………………
الگيد برجله وبأيده.        ينطركم تشيّعونه
موقف منكم يريـده.        ينطركم تشيّعونه
ينزف دمه من گيده.        ينطركم تشيّعونه
بالسّم غـيّـروا لونه.          ينطركم تشيّعونه
…………..
نعشه من الجسر شيلوه.      ينطركم تشيّعونه
شيّعـوا الكـاظم اوّاسوه.      ينطركم تشيّعونه
بتـراب اللـحــد دفـنــوه.      ينطركم تشيّعونه
شيعه ولا تعـوفـونه.           ينطركم تشيّعونه
خادم الإمام موسى بن جعفر عليه السلام
سيد زيد الفحام
____________________________
                  كـلـمـات الـشـاعــر الـــرادود
             مـيـــرزا عــلـــي ابـو سـمــا الـديـوانـــي
واويـلـــــي عـلـــى المــســـمـــــوم
            عـــــاش أبـغــربــــة أحــزانــــــه
            ذل أبــصــبـــــره سَــجـــــانــــــه
            ثـــابـــت نـهـجــــه وأيــمــانـــــه
              عَـلـمنــه الظـلــــم مـيــــدوم
 واويلـــي عـلى الـمـســمـوم
            هـــــــارون أبــغـــــدر سَــمـــــه
            چــيــفــــن وارث الـعــصـــمـــه
            غـــريـــــب ولاأهــــــل يَــمـــــه
             سَــلَــــم أمـــــره لـلـقــيـــوم
             واويـلـــي علـى المـسـمـــوم
            حـمــامـيــل أربـعـــه الـشــالــوه
            نـعـشـه أعـلـه الـجـسـر خـلـــوه
            ويــــن أنـــصـــاره ويـشَيـعــوه
              يبچـي الـناعـي يَـمه أيـحوم
  واويلــــي علــى المـســمـوم
            عـالـكــاظــم أجـيـنـــه أنـــــوح
            نـعـشه أعـلـه الـجـسر مـطـروح
            لمــصــابــه الــدمـــع مـسـفــوح
              عاش أسنيـن عـمـره أهـموم
             واويلــــي علــى المســمـوم
            واجــــب نـحــضـــر أنـشَـيـعـــه
            بـــدمــوع الــوفــــه أنــوَدعــــه
            تــهـضــم حـــالـتـــه أوضــعــــه
              نـنـعـه أمـصيبـته الـهـالـيوم
   واويلـــي علــى المـســمـوم
            شـيـعـــه وبـسـمــه نـــاديـنــــه
            لـلــكــــــاظــــــــم تــعَــنـيــنــه
            ﮔـــوم أنـهــــض يَـمَـهــديـنــــه
              ﮔـلـبـك نــدري بـيـه مـالـوم
              واويلـــي علـــى المـسمــوم
                 كلمات الشاعر الرادود
             ميرزا علي ابوسما الديواني

#قصائد_شهادة_الامام_الكاظم_ع

نزله ….. في رثاء الإمام موسى بن جعفر عليه السلام
صاح صوت من السّمه      شيّعوا مهجة فاطمه
موسى بن جعفر غريب ومات مسموم
يالله ياشيعة علي.         گوموا شيّعوا هالولي
موسى بن جعفر غريب ومات مسموم
………….
صوت جبـرائيـل نـاده بالسمه وضج العويل
عالجسر نعش الغريب نشوفه والناصر قليل
هذا بن فاطمه موسى هذا بن حامي الدخيل
شلون يبقه عله الوطيه يغضب الرب الجليل
صاح وين الرافضه          عن سليل المرتضه
ليش ما تنهض وليها اليوم مظلوم
هذا من بين النبي.          گوموا شيّعوا هالولي
موسى بن جعفر غريب ومات مسموم
……………
نـزلـت الأمــلاك كـلــها تبـچـي وتشيع الغـريـب
شيّعت موسى بن جعـفـر بالمنـاحـه وبالنحيـب
مـدلـه جبـرائيـل جـنـحـه وعاينـوا منّه العجيب
يمسح بجنحه عله جرحه حتى يتشافه ويطيب
صاح والمدمع جره.        وين شيعة حيدره
خلها تنظر للأمام شلون ملچوم
ما يشيّعه الناصبي.         گوموا شيّعوا هالولي
موسى بن جعفر غريب ومات مسموم
………………..
دخل بگلوب الروافض صوت جبريل الأمين
فزعوا لموسى بن جعفر بالمـدامــع والانيــن
شـالـوا النعـش باديـهـم مـن اديـن الظالميـن
وفّــوا وجبــريـل يهتـف يا امـــام المتـقـيــن
شيّعـوها جنـازته.         والنعم من شيعته
عالنعش كل الروافض تبچي وتحوم
يرتفع صوت الوحي.     گوموا شيّعوا هالولي
موسى بن جعفر غريب ومات مسموم
……………..
وحنـه ياجبـريـل نبقـه عالعهد من شيعته
مانعـوف الكاظم احنـه ومانعـوف زيـارتـه
احنـه نـتــعـلم قيمنــه من مبـادئ سيـرتـه
موسى بن جعفر امام ورايـة الحـق رايتــه
ولتزمنه ابمنهجه.         والتّمسك بي نجه
هذا ابن اشرف سُلالة واسمه معلوم
حيدري من طالبي.       گوموا شيّعوا هالولي
موسى بن جعفر غريب ومات مسموم
……………….
للأمــام الكــاظـم احنـه نبقه عشّاگ وخدم
ونحيي ياجبـريـل امـره بالمجالـس واللطم
مـا تخـوّفـنــه المنــــايـا لا ولا اهــل الظـلم
نوصل لموسى بن جعفر عالوعد نقسم قسم
مرقد الكاظم يظل.        ثوره ضد اهل الجهل
كل حكم يظلم امامه والله ميّدوم
صرخة بالحق تعتلي.       گوموا شيّعوا هالولي
موسى بن جعفر غريب ومات مسموم
……………
يالله ياجبريل اهتف بالسمه صوت الجهور
صيح قائم آل احمد اعـلن وحــان الظهـور
احنه وي مهدينه نظهر نـفـزع بركبه ونثور
من بني العباس ناخـذ والله ثـارات النحور
يالنواصب لو ظهر.       يفني سيف المنتظر
ما تظل منكم بقيه وامره محتوم
والمصايب تنجلي.        گوموا شيّعوا هالولي
موسى بن جعفر غريب ومات مسموم
خادم الإمام موسى بن جعفر عليه السلام
سيد زيد الفحام

ميمر قصيده سريعه إلى الأمام الكاظم ع

احنه عطاشا وحبك اليروينه
وكل المصاعب باسمك اتحدينه
  🔸🔸🔸🔸🔸🔸🔸🔸
ضكنه الوكت جينه الك شكايه
يابو الرضا  ومحنتنه صعبه هايه
وانت السند للطايح وتجايه.
من الوباء وكل مرض تحمينه
🔸🔸🔸🔸🔸
دگينه بابك كلك اعزوبيه
وكلك محبه وطيبه وحنيه
والعنده حاجه ومعتني مگضيه
وبلا مقابل سيدي تنطينه
🔸🔸🔸🔸🔸🔸🔸🔸
واهمومنه يمك نجي ونحجيهه
وسرارنه الما تنحجي نرويهه
مصدر أمان ارواحنه تهديهه
أولادك ومن فكرك اتغذينه
🔸🔸🔸🔸🔸🔸🔸
ندعي ابحظرتك يظهر النه القائم
حامي الدين مصلحته هو القادم
صمصامه بايده ومرعب الكل ظالم
وينشر تعاليم النبي وكل دينه
🔸🔸🔸🔸🔸🔸🔸
ونگله عينك احنه كلنه اجنوده
والنه المواقف كل وكت مشهوده
ابن الصميده الما خلف بوعود
قاذدنه هو اشما أمر عد  عينه
خادم الإمام الكاظم ع
الشاعر،،، هادي الساعدي

قصائد استشهاد الامام الكاظم  (ع) نزله (لطميه + هوسه)

☆☆☆☆☆☆☆☆☆☆☆☆☆☆☆☆☆☆
ياعظيم الشان وينك   أحنه هل جينه الك
☆☆☆☆☆☆☆☆☆☆☆☆☆☆☆☆☆☆
سيدي ياموسى انته نقسم بأسمك قسم
نعتنيلك والله احنه ومايهمنه كل ظلم
عالجسر نمشي وندوس ومايهمنه كل ألم
ليك اتعنينـــــه
أحباب وتدرينه
وي قاضي الحاجه اليوم نجدد بيعه
☆☆☆☆☆☆☆☆☆☆☆☆☆☆☆☆☆☆
شيعتك مولاي أحنه مايهمنه كل خطر
نعتني زوار وسهل عدنه هل الأمر
نكصدك كل عام أحنه سيدي وماننتضر
مايهمنه الظالم أحنه وطاغي والله هالعصر
الراد يعادينـــه
 خل يلاكينــــه
العاده الكاظم وأنصاره نشوفه الموت الأحمر
☆☆☆☆☆☆☆☆☆☆☆☆☆☆☆☆☆☆
سيدي الحاجات عدنه هواي ماالهن عدد
أبد ماخاب الاجاك سيدي ليك وكصد
قاضي الحاجه أمامي نريد من عندك وعد
تحمي زوار الاجتك سيدي بوكت الشدد
ببابك وكفينــه
وباسمك نادينه
من توصل بابه أطلب واتمنى
☆☆☆☆☆☆☆☆☆☆☆☆☆☆☆☆☆☆
جينه مشايه الك سيدي ولازم نزور
نجدد البيعه الك وثوره عالضالم نثور
ماتهمنه أهل الظلم سيدي وأهل الفجور نبقى مشايه نزورك سيدي بكل العصور
ميهمنه الظالم
 للمـوت نقاوم
ياقاضي الحاجه الموت بدربك يحلى
☆☆☆☆☆☆☆☆☆☆☆☆☆☆☆☆☆☆
لبن جعفر والله هاليوم انه جيت
طفت شباجك بحسرات وبجيت
بالدعاء اتوسلت سيدي انه ودعيت
رجى واحد من أمامي أنه رجيت
بكل شده احتاجه
يگضيلي الحاجــه
يكضيها الحاجه بيوم الشده الصعبه
☆☆☆☆☆☆☆☆☆☆☆☆☆☆☆☆☆☆
لقرب مناسبة استشهاد الامام موسى الكاظم عليه السلام
قصيدة ( كلشي انخلق )
كلشي انخلق يتمنه لو زارك
باب الكرم يالشاعت اخبارك
باب الحوائج …. باب الحوائج
******************
كاظم الغيظ انعرف بالدنيه صيتك
خلصت اسنينك ظلام ومن اجيتك
كاشف اهموم البشر  وَاللّه لگيتك
گمره صارت دنيتي بيوم الدعيتك
كل الفضل والرحمه بَكتارك
سبحان الذي يعشگهه زوارك
باب الحوائج….باب الحوائج
~~~~~~~
~~~~~~~
الصعب يمك سهل يصبح عجيبه
والطلب حاجه يحس صارت قريبه
الندب يابو الرضا طحت بمصيبه
ياخذ امراده ويرد لا مو  غريبه
كلشي سهل يالعالي مقدارك
من السمه والباري أسرارك
باب الحوائج….باب الحوائج
~~~~~~~
~~~~~~~
الجفن لأجلك نزف ينعه الأمامه
ويلعن اسياد النواصب والزعامه
يحفر بنص الوجه سجده كرامه
خلف قضبان الذي ضايع مقامه
ادري يون يتمنه لو جارك
ذاك الطغه والعاند أفكارك
باب الحوائج….باب الحوائج
~~~~~~~~
~~~~~~~~
السجن ينقل قصص موسى الأليمه
بچفه اغلال وسجد واكبر هظيمه
ظلمه ايامه انكضت يذكر جريمه
سموا بسجن الحقد روحه الكريمه
ضنو متت ماعرفو أنصارك
أبكل سنه نتعنه خطارك
باب الحوائج….باب الحوائج
~~~~~~~~
~~~~~~~~
عالجسر أمشي أون واذكر قضيتك
اوصل لبابك زحف وأصرخ اجيتك
مثل موعد كل سنه انه اعتنيتك
شايل جروح الحزن ساعة منيتك
اليعترف وسط الگلب نارك
حتماً يضل ابروحه تذكارك
باب الحوائج ….باب الحوائج
ــــــــــــــــــــــــــــــــــــــــــــــــــــــــ
  يبن جعفـــــر برجاك   بدموع الهم ننخاك
دعـــينه انظل بحماك
يالولي   يالولي
*
يهل دمـــع المآتم       على امصابك يكاظم
سجين وبالحبس تكضي العمر بين الهواشم
ارتفع صوت المواكب    قره الهاي المصايب
غريب ولا اهل يمــــــك يولي ولا كرايب
عمامك والله ابعاد       غريب انته ابغداد
وسف يبن الاجواد
يالولي   يالولي
*
ارتفع حجي الظماير     صدح صوت الحناجر
تفجر مدمع الاهـــــب يفور امن المحاجر
تذكرنه مصـــــــــابك     سجين ابنص عذابك
يطول جم سنه وشجم حبس وسفه غيابك
الخبر من عندك ضاع       الحبس كالو بالكاع
ضكت مر الاوضاع
يالولي  يالولي
*
يمن جبدك تسمم           جمر ضاك وتثلم
حضرنه بمأتمك يابو الرضا والنيه تعلم
يباب امن العطايه           سند عدنه وروايه
يراهب منزلة حبك قرب رب البرايه
صرت باب الحاجات      ابد متــــــــرد طلبات
النخاك بكل شــدات
يالولي   يالولي
*
كلبنه بجمره لاهج        شكثر عدنه حوائج
ابد متخيب الكاصد الك ندري النتايج
وحك هاي القصائد      انحنى ظهر الشدايد
تعبنه يالولي مانحتمل تدري انته شاهد
الأمل والمــــنقذ غاب      الكَلب ممرود وشاب
هلك صـــبر الاحباب
يالولي  يالولي
*
اشكثر ناس الدعونه      بحوائجهم رجونه
نسألك بالدعا خــــــــدام الك من كلفونه
المرض والحاجه عنده        الشفه مـــنك  يوده
البلاء وكل المرض عن هالبلد ندعي تبعده
يمن عمك عباس     ابد متخيب الناس
سخي وجاسب نوماس
يالولي  يالولي
*
أبو علي الركابي

لطميات الامام الكاظم عليه السلام مكتوبة

الله خلقنه الخدمتك. سيدي سيدي موسى ابن جعفر
يبو السجده الطويله وداعت اعيونك
الدنيــــه انشوفهه ماتسوه من دونك
خيمه وضللت فــــــــــوگ اليحبونك
نفـــــرح ننحسب مـــــن اليخدمونك
يمته نحقق هالحلم.  سيدي سيدي موسى ابن جعفر
**************
يباب الحـــــــاجه يلما رجعت زاير
اليطيح ابشــده يمك مايضل حاير
ضريحك للمحب مركز جذب صاير
يمن گلبي ابهــواك امن الزغر طاير
جننه مولاي العشگ. سيدي سيدي موسى ابن جعفر
                             ****
كريــــــم وما تـــــرد كلمن يدگ بابك
عنــــدك غاليه اشگـــد دمعت احبابك
وحق صبرك يموسى ولوعت اصوابك
نرتـــــاح اشكثر مــــن نشتــم اترابك
نشتم هوى الله بحظرتك. سيدي سيدي موسى ابن جعفر
*************
تشافي المعتلي ومارجعت عـاني
دكتــــــور وعـلاجك دوم مجاني
عن وصفك عجز ياسيدي الساني
مو بالشعر مدحـــــك مدح رباني
بيك العقول اتحيرت. سيدي سيدي موسى ابن جعفر
************
كرامـه ابخدمتك مولاي شفناهه
وأحلى ايام يمـك احنه عشناهه
هل خــدمه عظيمه وماتركناهه
بس احبابكـــــــم تفتهم معناهه
حصلنه بيه اشگد اجر. سيدي سيدي موسى ابن جعفر
                          *-**********
▪️يطاموره الدمع جاري
    اذكرج تلتهب ناري▪️
ــــــــــــــــــــــــــــــــــــــــــــــــــــــــ
بهيده اعليه شــــــــيعه من تشيلونه
تراهو امن السياط امجــرحه امتونه
*
براضه اوي النعش بهداي  يحبابـه التشيعونه
تراهو امجرح المســـجون  خافنكــم تلجمونه
تلوع بالحبــــــــــس ويلاه  والكاظم تعرفونه
كضه اسنين الألم مسجون  وانوبـــه يسمونه
تكَطعت جبت الكاظم    غدر بيه الدعي الظالم
تلوع بالسجن واينــوح    ظلمه وعايــش بغربه
بطوامير الظلم والجور   ويلي وحالتــه صعبه
بحديد امكَيد الرجليـــن   وسفه افراشه عالتربه
وسجانه يطب اعليــــه  بالسوط الكفه ايضربه
سجين ومن يضربونه   تظل امجرحه امتونه
**
يبلل لحيته بدمعــــــات  من يفرش الســجاده
بعد ميصلي جم ركعات  تلوج بجمــرته افاده
تفيض العبــــره بآهات  من يذكرهــم  اولاده
يســولف وين البنـــيات  وين شـــعدهم الساده
دليله ورحه مشتاكَه    عليهم  طول افراكَه
****
حياته معتقل محبـــوس   يجذب بالنفــس كَوه
ينادي وين اليفزعـــون  وين اصحاب المروه
وين الشيعه والأنصــار  وين العدهــم النخوه
مليت الغياب الطــــال   منه كَلبــــــي اتجوه
ينادي وحــــده بحبسه    غريب ومن سمع حسه
****
حدر الكَاع جن مدفـون  منه ضاكَــــت الوسعه
والحارس عليه ملعـون  كل مايطلــــــع ايمنعه
يريد ايشم هوى الشباج  وبوجه الدعي ايصفعه
يوكَع عالأرض ويطيح  آخ الظالـــــــــم يدفعه
يزيد امن البجي اونينه    يذكر طيحت اسكينه
****
يهون جرحه واللجمات   وينشفهه دمـــعاته
ويصبر روحه عالآلام   مايذكرهه لــوعاته
وتهون السياط البيــــه    من يذكرهه عماته
يدك اعله الصدر بالأيد   آه وحسره زفراته
ينادي بدمعه مدميه    يحف الحره مسبيه

لطميات وفاة الامام الكاظم مكتوبه

☆☆☆☆☆☆☆☆☆☆☆☆☆☆☆☆☆☆
اليوم يومك يالموالي يالله شيل الرايه
لقاضي الحاجه يزاير اتعنه والله اعنايه
☆☆☆☆☆☆☆☆☆☆☆☆☆☆☆☆☆☆
اكصد لباب الحوائج لاتخاف ولاتهم
اتعنه للكاظم يزاير  وامرك انته ينحسم
اليوم هالمشايه أجوك طلعوا بزود وعزم
اتعنوا المشايه ليك نعم منهم والنعم
اعلنت كلها حداد
ولبسوا عليك السواد
طلب عدهم من أجوك والله عدهم غايه
☆☆☆☆☆☆☆☆☆☆☆☆☆☆☆☆☆☆
ياابوطلبه أعتنت ليك اليوم اجت زوارك
تقضي الحاجه ونعرفك ماترد خطارك
سيدي هاليوم أجوك احبابك وانصارك
غايه الزوار كلها والله توصل دارك
زوار وشمحله المشي
من الموت لاماتختشي
طبوا بغيره وعزم انصارك الوفايه
☆☆☆☆☆☆☆☆☆☆☆☆☆☆☆☆☆☆
ثوره الزوار هايه خالده بكل العصور
ثوره الزوار هايه على عناد أهل الفجور
والعمر لجلك نقدمنه لأجلك نقدم النحور
نعتني بكل عام لأجلك سيدي ولازم نزور
زوارك انته هالاجوا
عالموت همه اتسابكوا
اتسابگوا عالموت همه واشتروه شرايه
☆☆☆☆☆☆☆☆☆☆☆☆☆☆☆☆☆☆
بكل سنه زوارك انته تحسب أيام وتعد
مشي كلها تعتنيلك كلها تحضر عالوعد
نريدك انته يبو طلبه اعليهم تهون الشدد
نبقه زوارك يموسى وياك مانخلف عهد
للموت نبقه وياك
هيهات والله ننساك
مانعوفك يبن جعفر انطينه والله حجايه

لطمية عن الامام الكاظم

مشتاك اشم هواك    ماينحمل جفاك
يالكاظم وعليك    حن گلبي مانساك
…………….
مانسيتك والله شاهد     ياضوه عيوني
واليلوموني بمحبتك       خل يلومني
اني احبك ونته تدري      مايهموني
واعله دربك اكضي عمري    مايمنعوني
ما امتنع محال   من حضرت الجمال
هل دنيا ضلمه حيل   بلا نورك وضواك
……………..
نهر من الكرم جاري     وخيرك هوايه
تكضي كل حاجه بضريحك   كبل الحجايه
ماشفت واحد مثيلك     ايده عطايه
المايجيك بعسره يبقه     تايه برايه
انه احجي بالدليل   هل دنيا من تميل
اتعنه الك وطوف    وتنطيني من رضاك
…………….
لمن اتعناك زاير     اوكف ابابك
روحي ملجومه ودليلي   ينوح لغيابك
آنه اداوي جروح گلبي    بشمت عتابك
ونته محد داوه جرحك   يهضم مصابك
مهضوم اضل عليك    دم سايل من اديك
بگلبك جرح جبير      ومحد عرف دواك
…………….
يا أسد بغداد انته     وعينك اعليهه
لايذه بسدك الوادم     ونته حاميهه
رأيتك بيضه وترفرف   والفخر ببهه
وتبقه أرض الكاظمية   انته واليهه
صرت أشعر الطيور    مرتاحه جي تزور
ياگبة السلام      عالي ويرف لواك
……………….
رغماً اعله الزمن ضلت    تشع انوارك
وبلهله وحياكم الله    تلاكي زوارك
دوم معموره وزهيه   بالفضل دارك
وفاتح البيبان كلهه   بوجه خطارك
ياسيد الحنان    وبذكرك الأمان
يالهفة الحزين    بالشده لو دعاك
……………..
روحي هامت من حزنها    ودمعت عيني
والسوالف عله مصابك     ماتكفيني
دمعي اتمنه من اصبه       بخدي يجويني
وكون سم جبدك إليه     وحيل ياذيني
بس ادري مايصير     جرحك عليّ جبير
ومن اعتنه الممات     گلبي بحزن نعاك

قصائد رثاء الإمام الكاظم

فزاعيه
♕♕♕♕♕♕♕♕♕♕♕♕♕♕♕♕♕♕♕♕
أون عليك ونــــــــه تهدم الجبال
♕♕♕♕♕♕♕♕♕♕♕♕♕♕♕♕♕♕♕♕
ياسباح گلبي ولبـــــــــي وحشاي
بدونك بويه صارت ضلمـه دنياي
عليك أسال كمت بالـراح والجاي
ليش المــوت بس للزيــــن شراي
بغيابك بويه أفگــــــد كل الامال
♕♕♕♕♕♕♕♕♕♕♕♕♕♕♕♕♕♕♕♕
أون عليك والــونـــــــــــه ثجيلـه
نعشك عالجسر محـــــــــد يشيله
بغيابك بويه ابچي ودمعي اسيله
عفتني وسافـــرت سفــــره طويله
ياذيني السفر يابــــــــويه لوطال
♕♕♕♕♕♕♕♕♕♕♕♕♕♕♕♕♕♕♕♕
اون عليك أنـــــه ودمعي سچاب
عني بسرعه والله الوالي هالغاب
جرحك بويه والله بكلبي ماطاب
گلبي بغيبتــــــه ياناس هل شاب
دمعـــــي بغيبتك يالغالي هالسال
♕♕♕♕♕♕♕♕♕♕♕♕♕♕♕♕♕♕♕♕
أون عليك بويه هايبو الجـــــــود
نفذ صبري وتعده بويـــه الحدود
أدري ألي يسافر فتره  ويعــــــود
عفتني انــــــه يتيمه بنار الوعود
بقيت محيره ومشغولــــــه البال
♕♕♕♕♕♕♕♕♕♕♕♕♕♕♕♕♕♕♕♕
أون عليك انـــــــه وگليبي ذايب
صار هــــــواي وانته عني  غايب
مابــي حيل أحمل هل المصايـب
بغيابك انـــه اون ودمعي ساچب
بغيابك والله بـــويه تغيير الحال
♕♕♕♕♕♕♕♕♕♕♕♕♕♕♕♕♕♕♕♕

قصائد مولد الإمام الكاظم مكتوبة

###########################
شدوا حيلكم وامشوله مشايـــــه
واسوا باللطم واسوه بالقرايــــــه
###########################
شـدوا حيلكم للكاظم اليــــوم
هــــذا البالكرم ياناس معلــوم
عطاي المـراد نعـرفــه للــــدوم
بس هو الوحيد اليجلي الهموم
بس هو الوحيد يحقق الغايــــه
###########################
تعنولـــه بعـزم وبهمه واصـــرار
لبــــن جعفر اليـوم اتعـنـوا زوار
وبهـــذا المشي تحديتوا الأشرار
يـم الكاظـم انتـوا اليـــوم خطار
انتوا انصار ابن جعفر الوفايــــه
##########################
 زوارك اجـــت متحزمــه احزام
لمصابك تـون وتــدگ على الهام
تزورك تعتني يامــوسى كل عام
خـدامك تضل للموت خـــــــدام
زوارك اجـوك اليــوم عنايــــــــه  ###########################
ملتميــن اجـــوا يامحلـــــه لمتهم
اجتمعوا بالدرب يامحلى جمعتهم
بالعالـــي تــــــرف يامحلى رايتهم
مـابــردت يمـوســـى والله همتـهم
اجــــوك اليوم رايه تسابگ برايه
###########################
روحي لحضرتك مولاي ملهوفـــه
شباچـك نلزمـــــه ولازم نطوفـــه
معروفـه اليفارگ والله معروفــــه
ماينسـه حبيبــه ولازم يشوفــــــه
روحـــي لحضرتك مشتاگه اهوايه

نخوه للامام الكاظم مكتوبه

▪️يطاموره الدمع جاري
    اذكرج تلتهب ناري▪️
ــــــــــــــــــــــــــــــــــــــــــــــــــــــــ
قصائد استشهاد الامام الكاظم(ع)
فزاعيـه
♕♕♕♕♕♕♕♕♕♕♕♕♕♕♕♕♕♕♕♕
بهيده وي الجنازه يالتشيعونــــــه
غريب اعلى الجسر لالا تخلونـــــه
♕♕♕♕♕♕♕♕♕♕♕♕♕♕♕♕♕♕♕♕
بهيــــده وياه هـــذا الكاظم اليوم
بسجن هارون وسفه مات مسموم
ابـن جعفــــر يوسفه سمته الگـوم
ابــن جعفــــر حسافه مات مظلوم
المثلك لازم انـتـه  مايــسجنونــــه
♕♕♕♕♕♕♕♕♕♕♕♕♕♕♕♕♕♕♕♕
بسجـن هارون عمـرك والله گظيته
الهوى بهذا السجن مالحضه شميته
السجــن مولاي گلي شلون حمليته
وربك بالسجــــن كل لحظه ناجيته
ياذنب الجناه موسى ويأذنونـــــــه
♕♕♕♕♕♕♕♕♕♕♕♕♕♕♕♕♕♕♕♕
تعـــذب حيل والله مــوسى بدنياه
محـد مــــن هلــه وبموتــه حضراه
هارون الرشيــد بسجنــه حيل اذاه
مـن شوف الحبايب والله حرمــــاه
مـن شوفت هله وسفــه يحرمونــه
♕♕♕♕♕♕♕♕♕♕♕♕♕♕♕♕♕♕♕♕
احبابــــه وهلــه وكل ناسه ملهوفه
محتامه وتـريــد الكاظم تشوفـــــه
وهـو بهالسجن ومگيده چفوفــــــه
والسجان يمـــه ومالحظه يعوفــــه
بسلاسل وسفه ابن جعفر يگيدونـه
♕♕♕♕♕♕♕♕♕♕♕♕♕♕♕♕♕♕♕♕
بهيده وي الجنازه تنـادي احبابـــــه
عليه تــون بقت والدمعه سچابــــه
ابـــــن جعفر ابــــد ماننسه امصابه
هـــــــذا البالكرم مالحظه سده بابه
چانـوا بالشدد كلهم يگصدونــــــــه
♕♕♕♕♕♕♕♕♕♕♕♕♕♕♕♕♕♕♕♕

قصائد استشهاد الإمام الكاظم  (ع)

فزاعيه
♕♕♕♕♕♕♕♕♕♕♕♕♕♕♕♕♕♕♕♕
لبن جعفر تعنينه        والله اليوم مشايه
♕♕♕♕♕♕♕♕♕♕♕♕♕♕♕♕♕♕♕♕
زوارك اجـــــت هاليوم
يالكاظم يهل المسمـوم
لاجلك هايهل الجيدوم
تقضـي حاجه المظلوم
وليك اتعنوا عنايـــــــه
♕♕♕♕♕♕♕♕♕♕♕♕♕♕♕♕♕♕♕♕
لأجلك هايراعـي الدين
أجــــــــوا زوار متعنين
وبــدرب الخطر ماشين
يواسونك ينــــور العين
انصارك ذوله وفايـــــــه
♕♕♕♕♕♕♕♕♕♕♕♕♕♕♕♕♕♕♕♕
تعنوا ليك يامسجـــــــون
وبحضرتك والله يگعدون
ومنـــــــــك والله يطلبون
شدتهم يمـــــــوسى تهون
الهم حقق الغايــــــــــــــة
♕♕♕♕♕♕♕♕♕♕♕♕♕♕♕♕♕♕♕♕
يبن جعفـــــــر يوالينـــه
نــــــزورك والله هالجينه
وطلب ياموســى طلبينه
نريد مـــــــــــراد تنطينه
نعرفك گد الحچايــــــــه
♕♕♕♕♕♕♕♕♕♕♕♕♕♕♕♕♕♕♕♕
ــــــــــــــــــــــــــــــــــــــــــــــــــــــــ
مشتاك اشم هواك    ماينحمل جفاك
يالكاظم وعليك    حن گلبي مانساك
…………….
مانسيتك والله شاهد     ياضوه عيوني
واليلوموني بمحبتك       خل يلومني
اني احبك ونته تدري      مايهموني
واعله دربك اكضي عمري    مايمنعوني
ما امتنع محال   من حضرت الجمال
هل دنيا ضلمه حيل   بلا نورك وضواك
……………..
نهر من الكرم جاري     وخيرك هوايه
تكضي كل حاجه بضريحك   كبل الحجايه
ماشفت واحد مثيلك     ايده عطايه
المايجيك بعسره يبقه     تايه برايه
انه احجي بالدليل   هل دنيا من تميل
اتعنه الك وطوف    وتنطيني من رضاك
…………….
لمن اتعناك زاير     اوكف ابابك
روحي ملجومه ودليلي   ينوح لغيابك
آنه اداوي جروح گلبي    بشمت عتابك
ونته محد داوه جرحك   يهضم مصابك
مهضوم اضل عليك    دم سايل من اديك
بگلبك جرح جبير      ومحد عرف دواك
…………….
يا أسد بغداد انته     وعينك اعليهه
لايذه بسدك الوادم     ونته حاميهه
رأيتك بيضه وترفرف   والفخر ببهه
وتبقه أرض الكاظمية   انته واليهه
صرت أشعر الطيور    مرتاحه جي تزور
ياگبة السلام      عالي ويرف لواك
……………….
رغماً اعله الزمن ضلت    تشع انوارك
وبلهله وحياكم الله    تلاكي زوارك
دوم معموره وزهيه   بالفضل دارك
وفاتح البيبان كلهه   بوجه خطارك
ياسيد الحنان    وبذكرك الأمان
يالهفة الحزين    بالشده لو دعاك
……………..
روحي هامت من حزنها    ودمعت عيني
والسوالف عله مصابك     ماتكفيني
دمعي اتمنه من اصبه       بخدي يجويني
وكون سم جبدك إليه     وحيل ياذيني
بس ادري مايصير     جرحك عليّ جبير
ومن اعتنه الممات     گلبي بحزن نعاك
ــــــــــــــــــــــــــــــــــــــــــــــــــــــــ
نزله عگيلي
●●●●●●●●●●●●
الليله المهدي اتهدم حيله
الليله المهدي اتهدم حيله
■■■■■■■■■■
شايل رايه المهدي و گاصد
صوب الكاظم اول واحد
قبل الشيعه لصحنه وگاعد
يصرخ ياجدي و يبچيله
الليله المهدي اتهدم حيله
■■■■■■■■■■
صاحب مأتم حتماً حاضر
جوه الگبه و قبل الزاير
دمعه بخده واحمر صاير
خل انواسيه و نمشيله
الليله المهدي اتهدم حيله
■■■■■■■■■■
كاشف راسه بلايه عمامه
يبچي ويلطم فوگ الهامه
عالخلصت بسجون ايامه
اعله الكاظم دمعه يسيله
الليله المهدي اتهدم حيله
■■■■■■■■■■
ويه الوادم وسط الحضره
شايل نعشه و چن الزهره
ويه الناعي تبچي و تقره
نعشه الرمزي المهدي يشيله
الليله المهدي اتهدم حيله
■■■■■■■■■■
شايل نعشه وشايل ثاره
سيفه بغمده وتلهب ناره
ربك يعلم شنهو اسراره
يم الكاظم چن يشكيله
الليله المهدي اتهدم حيله
■■■■■■■■■■
يم الكاظم جده ويدعي
ويسمع امه تصرخ ضلعي
يگله حسين الغير وضعي
عجل يارب خل ندعيله
الليله المهدي اتهدم حيله
■■■■■■■■■■
المهدي ايسجل كل الزاره
بيده الدفتر تملي احباره
بي نتشرف و بأنضاره
النضره تكفي وممنونيله
الليله المهدي اتهدم حيله
■■■■■■■■■■
الشاعر : حيدر العمار الخزعلي
■■■■■■■■■■

قصائد استشهاد الامام الكاظم(ع)

فزاعيـه
♕♕♕♕♕♕♕♕♕♕♕♕♕♕♕♕♕♕♕♕
بهيده وي الجنازه يالتشيعونــــــه
غريب اعلى الجسر لالا تخلونـــــه
♕♕♕♕♕♕♕♕♕♕♕♕♕♕♕♕♕♕♕♕
بهيــــده وياه هـــذا الكاظم اليوم
بسجن هارون وسفه مات مسموم
ابـن جعفــــر يوسفه سمته الگـوم
ابــن جعفــــر حسافه مات مظلوم
المثلك لازم انـتـه  مايــسجنونــــه
♕♕♕♕♕♕♕♕♕♕♕♕♕♕♕♕♕♕♕♕
بسجـن هارون عمـرك والله گظيته
الهوى بهذا السجن مالحضه شميته
السجــن مولاي گلي شلون حمليته
وربك بالسجــــن كل لحظه ناجيته
ياذنب الجناه موسى ويأذنونـــــــه
♕♕♕♕♕♕♕♕♕♕♕♕♕♕♕♕♕♕♕♕
تعـــذب حيل والله مــوسى بدنياه
محـد مــــن هلــه وبموتــه حضراه
هارون الرشيــد بسجنــه حيل اذاه
مـن شوف الحبايب والله حرمــــاه
مـن شوفت هله وسفــه يحرمونــه
♕♕♕♕♕♕♕♕♕♕♕♕♕♕♕♕♕♕♕♕
احبابــــه وهلــه وكل ناسه ملهوفه
محتامه وتـريــد الكاظم تشوفـــــه
وهـو بهالسجن ومگيده چفوفــــــه
والسجان يمـــه ومالحظه يعوفــــه
بسلاسل وسفه ابن جعفر يگيدونـه
♕♕♕♕♕♕♕♕♕♕♕♕♕♕♕♕♕♕♕♕
بهيده وي الجنازه تنـادي احبابـــــه
عليه تــون بقت والدمعه سچابــــه
ابـــــن جعفر ابــــد ماننسه امصابه
هـــــــذا البالكرم مالحظه سده بابه
چانـوا بالشدد كلهم يگصدونــــــــه
♕♕♕♕♕♕♕♕♕♕♕♕♕♕♕♕♕♕♕♕
ماخذ  من عمه اعلومه
واضح بالهيبه ارسومه
والكاظم وضعه  اتغير
بحقاد  السندي  اتحير
***********************
صبر …دهر…تحچي اسنينك
عمر   …نذر …..دمعت عينك
سجن ..حزن …..صار ونينك.
……………………..بالتعذيب
يرسم  دمعات  احبابه
الكون  اتحول محرابه
والشيعه بحيره اغيابه
……….براسك لاح الشيب
دمعك ….بي عطر الكافل
سجنك  …..كاعد لو نازل
وبكلبك  نار   وتسعر
بحقاد السندي اتحير
************************
هجر…عمر …. وحدك صاير
تون …حزن …..ليلك عاشر
لهج….فرج……ماظن باچر
……………..يسجان
يكتب  عباس احساسه
والغيره اتعيش ابراسه
بالسجده اشتم انفاسه
………….لمن وكتك حان
فارس ..من عمه الغايه
بيدك  .هم تحله الرايه
للعالم صارت  مصدر
بحقاد السندي اتحير
***********************
دمع….حزن …….ظلمه بليلك
انهدم……وصل..يمكن حيلك
تون…..جرح …..هم يشكيلك.. .
……………………….بالدمعات
وتحول  طف  احزانك
والسجده تريد الحانك
كل ركعه تذل سجانك
…………..وتعيش دنيا بمأساة
راسم بس سجنك صوره
نار  ….وخيمه وعاشوره
والدنيا   بعينك  تزغر
بحقاد السندي اتحير
************************
ظلم ….هضم………دمعة عينك
هجر……دهر……سجن اسنينك
العذب…غرب …تبچي احسينك
…………………..بالالام
وتلوج  شلون   بحالك
بسجنك  منهو اتعنالك
وبحيره غياب اعيالك
…………صارت بس احلام
تنزل كل دمعه إحساسك
 وارث    غيرة   عباسك
معروف بجدك حيدر
بحقاد السندي اتحير
************************
اصل…..نسل…..من بني هاشم
عتب…….جرح….. ليل الكاظم
دهر………عمر……ساجد قائم
…………………………للمعبود
يحمل  كونين  اجفوفك
حيطان السجن تطوفك
والسندي اشلون يعوفك
……………سجنك صار اقيود
رتل  …. أحزانه اقيودك
يرسم بالسجده اعهودك
لمصابك  عين  اتفجر
بحقاد السندي اتحير
***********************
بطل….نزل…….ساحة عيده
الحرب….غضب…تكفخ ايده
هزم…….زلم…..الزين ايريده ..
……………………….بالبتار
عباس اتگنطر شوفه
لازمهه اثنين اجفوفه
يكلب بالكون اطفوفه
………….سيفك يلهب نار
الكاظم….بس شوفه أحواله
بجسر …. الموت  اربع شاله
والكون بدمعه اتسجر
بحقاد  السندي اتحير
************************
 تمت بعون الله
 خادمكم……. يوسف الفتلاوي

.قصائد استشهاد الامام الكاظم(ع)

نزله (للمشايه)
☆☆☆☆☆☆☆☆☆☆☆☆☆☆☆☆☆☆
اليوم يومك يالموالي يالله شيل الرايه
لقاضي الحاجه يزاير اتعنه والله اعنايه
☆☆☆☆☆☆☆☆☆☆☆☆☆☆☆☆☆☆
اكصد لباب الحوائج لاتخاف ولاتهم
اتعنه للكاظم يزاير  وامرك انته ينحسم
اليوم هالمشايه أجوك طلعوا بزود وعزم
اتعنوا المشايه ليك نعم منهم والنعم
اعلنت كلها حداد
ولبسوا عليك السواد
طلب عدهم من أجوك والله عدهم غايه
☆☆☆☆☆☆☆☆☆☆☆☆☆☆☆☆☆☆
ياابوطلبه أعتنت ليك اليوم اجت زوارك
تقضي الحاجه ونعرفك ماترد خطارك
سيدي هاليوم أجوك احبابك وانصارك
غايه الزوار كلها والله توصل دارك
زوار وشمحله المشي
من الموت لاماتختشي
طبوا بغيره وعزم انصارك الوفايه
☆☆☆☆☆☆☆☆☆☆☆☆☆☆☆☆☆☆
ثوره الزوار هايه خالده بكل العصور
ثوره الزوار هايه على عناد أهل الفجور
والعمر لجلك نقدمنه لأجلك نقدم النحور
نعتني بكل عام لأجلك سيدي ولازم نزور
زوارك انته هالاجوا
عالموت همه اتسابكوا
اتسابگوا عالموت همه واشتروه شرايه
☆☆☆☆☆☆☆☆☆☆☆☆☆☆☆☆☆☆
بكل سنه زوارك انته تحسب أيام وتعد
مشي كلها تعتنيلك كلها تحضر عالوعد
نريدك انته يبو طلبه اعليهم تهون الشدد
نبقه زوارك يموسى وياك مانخلف عهد
للموت نبقه وياك
هيهات والله ننساك
مانعوفك يبن جعفر انطينه والله حجايه
☆☆☆☆☆☆☆☆☆☆☆☆☆☆☆☆☆☆

قصائد استشهاد الامام الكاظم (ع)

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طلعت المشايــــــه
رايه تسبگ رايـــــه
يامسموم      يامظلوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
 اليوم لارض الكاظميه معتنين
لابن جعفر والله كلهم گاصدين
عاده عــدهم والله بكل السنين
يبـن جعـفـــر يعتنونك زائـريـن
انـصـارك الــــوفايـــــــــــــــــه
رايـــــــــه تسبـگ رايـــــــــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گوم واستقبل يموسى انصارك
لحضرتك هاليوم اجــت زوارك
ابعـزائك اجـــــــت كلها تـشارك
مـن حضرتك تاخذ علگ تتبارك
معـتـنـيـــــن أعنايـــــــــــــــــه
رايــــــــه تسبگ رايـــــــــــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
زوار اجينه لحضرتك ها يالغريب
البعيـد يگصـــدك انتـــه والقريب
يبن جعفـــر للعل انتـــه الطبـيـب
كل مريض نريده ياموسى يطيب
جـيـنـه الك شچـايــــــــــــــــــــه
رايـــــــه تسبگ رايــــــــــــــــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
 يبن جعفر شيعتك مالومــــــــــه
الزمـن قاسي وشيعتك مهظومــه
نحلفك احنـه سيــــدي بمعصومه
كل زايـر تعناك تجلى هـمـومـــــه
همـوم عــدنــــه هـوايــــــــــــــه
رايـــه تسبــــگ رايـــــــــــــــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
احچي كلمه والنواصب خلهم يسمعونه
امـــــن الزياره والله  ميمـنعـــونـــــــــه
نعتني مشايه احنه لـو الــف كارونـــــــه
مانعوف احنــــــه الزياره حتى لوذبحونا
هـدف عـدنــــه وغايـــــــــــــــــه
رايـــه تـسبـگ رايــــــــــــــــــــــه
تشييع الامام موسى بن جعفر عليه السلام
حيهم يالتحبونه.      رايدكم تشيّعونه
…………
موسى الكاظم المظلوم.       رايدكم تشيّعونه
ظل عله الجسر مسموم.       رايدكم تشيّعونه
من گيده تسيل دموم.          رايدكم تشيّعونه
كلشي ولا تعوفونه.         رايدكم تشيّعونه
………..
مطروح بجسر بغداد        رايدكم تشيّعونه
مگيّد بالحديد اگياد.        رايدكم تشيّعونه
نعشه بولية الاوغاد.        رايدكم تشيّعونه
لا واحد وگف دونه.        رايدكم تشيّعونه
………….
موسى الكاظم بياحال.     رايدكم تشيّعونه
نعشه بعازت الشيّال.        رايدكم تشيّعونه
سمّو چبدته الانذال.         رايدكم تشيّعونه
بالسم انخطف لونه.         رايدكم تشيّعونه
…………
ياشيعة علي الكرار.        رايدكم تشيّعونه
هذا ابن النبي المختار.     رايدكم تشيّعونه
حيهم فزعه يالزوار.        رايدكم تشيّعونه
بالشده التندبونه.         رايدكم تشيّعونه
…………
طالع من سجن هارون      رايدكم تشيّعونه
يبقه عله الوطيه شلون.    رايدكم تشيّعونه
فزعة هاشم تفزعون.        رايدكم تشيّعونه
اكثر لا يأذّونه.               رايدكم تشيّعونه
…………
الكاظم سمّمو چبده.        رايدكم تشيّعونه
ظل عله الجسر وحده.      رايدكم تشيّعونه
ويلي ولا اهل عنده.         رايدكم تشيّعونه
بغربه لا تخلّونه.              رايدكم تشيّعونه

قصيده نزله عكيليه لاستشهاد باب الحوائج موسى بن جعفر عليهما السلام

حاجـــــات النــاس وتگظيهه
يالكاظم وانت متانيهــــــــــه
*
گظيــت الحاجه لعـــدوانـــك
يامـولاي اومعظم شانــــــــك
ياهـــو بيوم الضيج اوعانـك
وسجنك روحك اثر بيهــــــه
*
بحجــار لشخصك يتلگـــــه
منك رايـــد ياخذ حگــــــــه
ومن اتمرض رحت تشبگــه
ياهو اليگدر هاي اعليهـــــه
*
بٍشــر الحافي صـــــوتك رده
طلگ كلشي الصــايرعنــــده
يمك دنگ ثبــــت عهـــــــــده
من فكرك روحه يغذيهـــــــه
*
وبسجنك رادوا يغرونـــــــــك
ماگدروا والله يحرفونـــــــــك
والغــرگ اصـــبح ممنونــــك
وبچفك انت التهد يهـــــــــــه
وياكــم ياهــــــو اليتحــــــــده
جــدكم ياهو وياهــو جــــــده
بس اسمك هـــو اللي يصـــده
يخسه ومايگـــدر يدنيهــــــه
***
وشـــوف الناس بجسر اليمـه
جتــك من عطرك تشتمـــــــه
تركـــض هيه بزود وهمــــــه
ماكـــــو وغيرك ليتانيهــــــه
****
لعيونـــك راحــــوا هــــالثلــه
كـــل واحــد ويمــــثل ملــــــه
وبصــدره محمد من خلــــــه
كتاب زيـــاره يرتـــــل بيهـــه
****
وشبگت امهه الطفــله اتنادي
يايمه ويـــــاروح افـــــــــادي
ادعيلي يم ابـــن الهـــــــــادي
ياخذنــي ويـــــاچ وألفيهـــــه
****
احنه ويــاهـــم يبـن الزهــره
واحدنـه اوميـــت من قـهــره
نريد اليـوم الوضــع اتحضره
وبيــدك يالغالــي تنـــهيهــــه
خادم الحسين ع
الحاج ابو البيجاوي
يموعود….والدمع ظل ساجم
يموعود..محنه شوف الكاظم
********************
يمتى ثارك يابو صالح ينحسم بالرايه
اتشوف هاي الشيعه يمك سيدي
وفايه
نرتقب واحنه  بحضورك روجة المشايه
احنه بالحضره نشوفك ناصب انت اقرايه
يموعود…….والكلب ظل هايم
********************
نشتكيلك يابوصالح من وضعنه الحالي
بجاه ابو طلبه تجينه  حسرتي بدلالي
اشكثر ضيم الدنيا شفنه بس حزن يصفالي
بس حلم واحد بقالي والله شاغل بالي
يموعود……والدمع يتزاحم
*********************
بيدك اتذلهم يغايب    كلها تحت جدامك
السندي بجفوفك  تصفعه   ينتظر صمصامك
وياك  شدينه   حزمنه من تشد احزامك
كل بني العباس …تخضع  سيدي لحكامك
يموعود……نسحك عالظالم
*******************
بالورد تنزل دموعك حمره صارت عينك
من تشوف الكاظم انت سيدي الله يعينك
الهجر ذابحنه يمهدي حسره ليش اسنينك
عالجسر موعدنه صاير  جمعته امتانينك
يموعود…… وقعتلك خادم
*********************
بالسجن جدك يعاني شوف حاله
شلونه
والحديد  برجله صاير والدمع بعيونه
حيله   من السم تهدم  حيل غير لونه
باجر  السندي بحسابك والتبع هارونه
يموعود…..همه حيل اتراكم
********************
يمه سجلهه الاسامي يدعي الله  ايزيده
باجر  الزهره تكلك  هذا بيتك عيده
ندري يالمهدي  التحبه بيدك انت تريده
والله غير   الخدمه كلشي بالحشر ميفيده
يموعود…..انت عالحك قائم
********************
تمت بعون الله وبركاته
خادمكم …يوسف الفتلاوي

قصائد شهادة الامام موسى بن جعفر الكاظم عليه السلام

سلام الله على العالي مقامه
سلام الله على ركن الامامه
****
يبو السجده الطويلة ودوم ذاكر
بالدم عشگ    ربه. والمشاعر
العابد كل وكت علبلوه صابر
عرف درب الشرف نار ومخاطر
بمطامير السجن خلصت أيامه
سلام الله على ركن الامامه
****
موسى البلسجن سطر ملاحم
من نسل الشرف أهل المكارم
باب الخير للحق. ومعالم
من عزمه ارتعد خايف الظالم
سلام الله على الدين وحسامه
سلام الله على ركن الامامه
****
يميدان الشرف يهزم الباطل
الظلام بليله لويلتم. جحافل
ميراهن على دينه. ويجامل
مقيد حزت چفوفه. السلاسل
سلام الله على التنزف أجدامه
سلام الله على ركن الامامه
******
رسم درب المجد ابن الاماجد
رغم شر المخالف. والمعاند
الظميره بلايه رحمه وگلب حاقد
سيف الكلمه. بالكلمه يجاهد
سلام الله على الجوهر كلامه
سلام الله على ركن الامامه
********
هذا ابن الاكارم والاطايب
التشهدله المشارق والمغارب
ميغطي البدر ليل الغياهب
ولاتمحي أثر منه. النواصب
سلام الله على روح الزعامه
سلام الله على ركن الامامه
***
وين اهل الغدر واهل الضمايم
لاضل مجد.    الهم. لامعالم
چم ظالم يجي من بعد ظالم
يروحون وتضل امجاد هاشم
سلام الله عليه حد القيامه
سلام الله على ركن الامامه

قصائد شهادة الامام الكاظم

▪️يطاموره الدمع جاري
    اذكرج تلتهب ناري▪️
ــــــــــــــــــــــــــــــــــــــــــــــــــــــــ
ندك ونوح اليوم   عله امصاب المسموم   تره الكاظم مظلوم
سيدي
**********************
عله الحير طبيبه   تون حته المصيبه
رحل وجنازته   فوك الجسر  ضلت غريبه
الفرج بالجمعه كلهم   واجو هليله كلهم
لجن ناعي الحزن   لمن نعه  خيب املهم
منو الهز الطغيان  وجلد صبره السجان  الك حن الآذان
سيدي
*******************
بسجن خلص حياته   فلا تنعد صفاته
كظم غيضه وصفن   حته السجن  من معجزاته
كمر وجها ويلالي   الشمس صاحت حلالي
تذوب وتحترك  يمه اذا   كلها تعالي
منو المثلك مسجون   شغل هاكد هارون   بصلاتك ما يدرون
سيدي
****************
تعب ماكو ونساهر     ونصبناها الجوادر
وحك راية علي   بهذا الدرب  ما عفنه زاير
خدمناك بكلبنه   الهله اشكدها بدربنه
يبن جعفر ابد   ما ينتهي   تدري احنه حبنه
نحب هالخدمه اهواي    بثوابك ننطي الماي  ندلل كل مشاي
سيدي
*************
يمن عشكك سباني   وسحرني وجنناني
يمين الله صحت   هذا العشك   ما مثله ثاني
احبنك قليله   يبو العشره الطويله
اعوفك وابتعد   ما ابتعد   بل مستحيله
امن طب للحضره ارتاح   احس مني الهم راح   دليلي بصحنك صاح
سيدي
**************
احب نسمة عبيرك     احب كلشي بضميرك
وحك رب العشك  كلبي ابد   ما عنده غيرك
تعب روحي نسيته    وألك عمري فديته
يالسلطان الهوه   حته الهوه   ايحبك لكيته
شلي بروحي بلياك    حبيبي وما انساك  احن دوم الملكاك
سيدي
***********
الضريحك لو خذوني    اهيم انه بجنوني
افرفحلك هله  واعطش شبك   حته بعيوني
صحت حلوه صفاته   ابد ماكو بحلاته
الكمر كله للكمر   ماكو بشر    هاكد غلاته
يسبحان السواه    دخيل الله اشمحلاه    يهنيال الحباه
سيدي
******
                     
السابق
ما خفي كان اعظم بث مباشر ” نزار بنات “
التالي
من هو تامر المسحال ويكيبيديا ؟ وش وظيفته

اترك تعليقاً