منوعات

قصيدة تمنيت باسم كربلائي 2021 محرم

قصائد حسينية مكتوبه لطميات

يبحث الكثير من أهل الشيعة عن قصائد مكتوبة للرادود باسم الكربلائي وهو منشد إسلامي شيعي وملحن، ولد في مدينة كربلاء في العراق عام 1966م وعاش طفولته فيها، متزوج ولديه أربعة أولاد، منهم علي باسم الكربلائي الذي اشترك معه في عدد من الإصدارات الإسلامية، درس القرآن الكريم والإنشاد على يد ملا تقي الكربلائي، هاجر هو وعائلته إلى إيران في عام 1980م وفيما يلي نقدم لكم كلمات قصيدة تمنيت للشاعر أحمد الذهبي

قصيدة تمنيت مكتوبة 2021 كلمات

تمنيت ، غيمة وعلى جناح السمه
تمنيت، انزل مطر وكت الضمه
نلتفي ماي وعطش يم النهر
واعصر عيوني عله اشفاه الگمر
تمنيت . تمنيت


مملكة العش للحمام
لو فگد معنى السلام
يبدي حزنه
واني طيرة وعشها ضاع
عمري من بعد الوداع
ماله معنه
ليش ماصرت انه طيف
فوگ رمش الغالي ضيف
وانجمعنه
تسمع وتبجي السنين
اشيحچي عباس الحنين
ويه سكنه
مواضيع . بيناتنه گد الهوه
مواضيع. انفاسي وانفاسه سوه

شنسه وبالي الف ذكره وصور
واعصر عيوني على اشفاه الگمر
تمنيت تمنيت

رايحة ريشة اعله ريح
فوگ صدر الغالي اطيح
واشتكيله
آه ترميني اعله آه
وصارت الدنيا وراه
مستحيله
لو جنح عندي واطير
جية الضامي اعلة بير
انه اجيله
اغسل ابدمعي التراب
وامسح الدم بالحجاب
وچفه اشيله
واحاچيه . ع الي جره والماجره
واحاچيه . بعدين ابوسه ابمنحره
في اسويله مثل في الشجر
واعصر عيوني عله اشفاه الگمر
تمنيت،

امنية ابهاذي الضروف
نجمة من بعيد اشوف
هيه لحظه
ياخذ العينه ضواي
وصدره يتنفس هواي
مايرفضه
النار اخرها الرماد
وآني اخرتي فؤاد
ابلايه نبضه
ابلايه ذاكرتي بقيت
چم حرف بسمي نسيت
وإسمه احفظه
يعباس . يا اغلى من ماي الذهب
يعباس . مي النهر يغلى اشعجب
خاف لا طوله استحه ويمك گصر
واعصر عيوني عله اشفاه الگمر
تمنيت،

ليل والعالم غريب
ابصحوتي أسمع نحيب
وابمنامي
ماتت احروف الكلام
بروحي وبعيني ظلام
وبـخيامي
كُل شي موت وكُل شي نار
حته دمعات الزغار
والاسامي
كم طفل ناعم يليل
ابلا ذنب دايسته خيل
وهوه ضامي
حرامات . اني وخـواتي ابـلا غطه
حرامات . نفتر مثل سـرب الگـطه
عطشونه واحنه للوادم مطر
واعصر عيوني عله اشفاه الگمر
تمنيت،

104050.13601051569.gif

للنهر چني اعتنيت
ريت عميانه من اجيت
ماشفتها
عينك البيها انه انام
نايمه بيها السهام
وعاتبتها
چفك اليسواله جيش
گاطعينا مدري ليش
استغربتها
صـدرك الدافي الخجول
ساحگه اضلوعه الخيول
امكسرتها
وداويك . محتاره اشيلن ياسهم
واداويك . الدنيا صارت كلها دم
دمك الزينب وصل منها اعتذار
واعصر عيوني عله اشفاه الگمر
تمنيت،

الگاع تحرگني وأصيح
مره أوگف مره اطيح
من وصلتك
بين ابروحي انكسار
شعري ابيض كله صار
لمن شفتك
هاذي راية وذاكه جود
وراس مضروب ابعمود
ماعرفتك
اجروحك اتسولف تريد
تحچي بس صوتك بعيد
ماسمعتك
مواعيد. يادنيا ماضلت بعد
مواعيد. چان الفرات اخر وعد
مابقه غير الأمل بالمنتظر
واعصر عيوني عله اشفاه الگمر
تمنيت،

                     
السابق
نتائج القبول الالحاقي جامعة الإمام ( من هنا /iu.sa )
التالي
من هي المرأة التي تستطيع ان تتزوج وهي متزوجه( وش الحل )

اترك تعليقاً